ابن ليل الجزء الخامس لأميرة أسامة

ما اعترفلنا لبعض مفتحش معايا الموضوع ده خالص لا عمره اتكلم عن الاطفال ولا عمل زي اي راجل سأل هنسميهم ايه او هو نفسه في ولد ولا بنت او حتي نفسه في كام طفل والوقت بس عرفت السبب كرم فضل انه يكون معايا حتي لو هيتحرم من الاطفال وانا لا يمكن احرمه من حاجه هي اصلا حقه ولو ليا نصيب في الحمل انا وكرم مش هتردد لحظه بالعكس انا نفسي في طفل من كرم 
مها بحب والله كنت عارفه يا دره ان ده هيكون ردك مش هنكدب عليكي خۏفت انك ترفضي لان انا لو في مكانك واتجوزت و ولادي كبار كده مستحيل اخلف واحنا ستات زي بعض ونفهم النقطه دي كويس
بس كمان كرم كان صعبان عليا نفسي اشوفه وهو شايله ولاده وفرحان بيهم نفسي افرح بولاده
امي وابويا نفسهم يكون ليهم احفاد من كرم فا اكيد الموضوع كان هيبقي حساس عشان كده دعيت من قلبي انك تفهميني
دره وانا بنقولهالك يا مها لا يمكن نحرمكم من فرحتكم ولا نحرمكم تشوفوا ولاد كرم
مها ربنا يريح قلبك يا دره يا بنت نبيله زي ما ريحتي قلبي بس انا ليا عندك طلب
دره منقولش لكرم اللي انتي قولتيه صح
مها بإبتسامه ايوه صح زي ما فهمتيني من غير ما نتكلم اكيد انتي فاهمه دماغ كرم وعارفه انه لو عرف اني قولتلك وانك معندكيش مانع ممكن يفكر انك وافقتي بس عشانه او يفكر اني صغطت عليكي
دره متقلقيش مش هنقوله اي حاجه خصوصا إن انا عارفه ان ده تفكير كرم فعلا وعارفه اني لو قولتله اني معنديش مانع مش بعيد يقنعني محملش عشان خاطر البنات متزعلش
مها طيب نيجي بقي للبنات انتي تفتكري بناتك ممكن يزعلوا بجد انتي عرفاهم اكتر مني 
دره بثقه مستحيل بالعكس انا واثقه أنهم هيفرحوا اوي وعايزه نعرفك حاجه يمكن الحاجه الوحيده الكويسه اللي البنات استفادوا بيها من عيشتهم في امريكا هي المواضيع اللي زي دي
هناك يا مها بيتربوا علي ان كل واحد حر في حياته الست تقدر تحمل لحد اواخر الاربعين وفي ستات بتحمل في الخمسين وعمرنا ما سمعنا عن واحده حملت
وحد هاجمها من اهلها او ولادها
المسائل اللي زي دي اخر اهتمامات ولادي وهما فاهمين كويس اللي ليهم واللي عليهم فا اطمني زي ما انا معنديش مانع البنات كمان اكيد معندهمش مانع
مها الحمد لله امي لو عرفت هتطير من الفرحه
دره عايزه تقوليلها ردي ده قوليهولها واكدي عليها متقولش لكرم خلي الموضوع يجي بالطريقه اللي ربنا هيكتبها و خليني افاجئه لو فعلا حصل
مها متقلقيش محدش هيقوله يااااااه امته يابت يجي اليوم اللي تتجوزوا فيه بقي بيتهيألي من فرحتي هننزل نرقص في الشارع
دره بضحك يلا خلي المأذون اللي هيجوزنا يطلقك انتي وبكر 
مها بكر طب والنبي لا هيرقص قبلي وهو اللي هيرقصني يا بت انتي مش عارفه بكر فرحان ازاي عشان كرم لسه كنا بنتكلم انا وهو من كام يوم قالي انا مهما فرحت مش هنفرح قد فرحتي بكرم لدرجه اني هنفرحله اكتر من عيالي
دره بكرابن حلال وبيحب كرم من قلبه بجد 
مها دي حقيقه كرم عند بكر حاجه كبيره اوي لو ابن ابوه وامه مش هيحبه وېخاف عليه بالشكل ده
دره ربنا يخليهم لبعض ويفضلوا ديما في ضهر بعض
مها يارب يا دره بنقولك ايه صحيح مفيش اخبار عن اللي ما يتسمي ومراته
دره منعرفش اي حاجه والله يا مها اخر حاجه عرفتها من چاك 
انهم اتطلقوا بعد ما حصل بينهم صدام ومشكله كبيره وعرف ان انا اللي قولت لدينا 
مها يعني هما بجد اتطلقوا
دره اه چاك قالي
كده بيني وبينك في الاول أضايقت كنت راسمه للحكايه خط سير تاني خالص كنت عارفه ان يوسف هيفقد اعصابه ومش بعيد ېقتلها ونخلص منهم هما الاتنين بس بعد اللي حصل ده قولت خلاص اللي
ربنا شايف انه اصلح يعمله وربنا يصلح حاله بعيد عني انا والبنات اكيد ربنا هيرجع حقي من دينا بطريقه احسن وعموما انا راضيه علي كل اللي حصل معايا 
مها طيب وهو راح فين الوقت بيعمل ايه في حياته اللي نعرفه انه بقي علي الحديده عايش ازاي ده 
دره اهي دي الحاجه الوحيده اللي منعرفهاش من يوم اللي حصل بينهم چاك قالي انه اختفي وملهوش وجود مش عارف يوصله او يعرف اي اخبار عنه
مها احيه لا يكون بيفكر يرجع وينتقم منك يا دره
دره لا يا مها مستحيل كنت واثقه ان يوسف هيقتل دينا بش طلع اضعف بكتير من انه يعمل كده واستسلم ومشي وبعيدا بقي عن انه مش معاه مليم ولا بقي عنده بيت بس يوسف مش هيعملها لانه عارف ان مش انا السبب في كل اللي وصله هو اللي كان السبب في كل اللي وصلناله
ودينا هي السبب الرئيسي في كل حاجه فا اطمني مش هيعمل كده 
مها ربنا يبعده عنك يارب انتي والبنات بس قوليلي انتي واثقه في اللي اسمه چاك ده انا شايفه انه لحد الوقت مبعتلكيش اي حاجه من حقك فات اكتر من اسبوعين وداخلين في التالت ومبعتش بس غير ال 100 الف دولار اللي كنتي عايزه تديهملوا وهو رفض لا يكون يا بت دي لعبه 
وعمل نفسه طيب ومحترم ومش فارق معاه الفلوس عشان يثبت وياخد الجمل بما حمل 
دره بإبتسامه لا متقلقيش چاك انا اضمنه وانا مغمضه 
مها اتوكسي يا بت الهبله تاني هتتكلمي عن الثقه إذا كان اللي عيشيتي معاه عشرين سنه وجبتي منه عيال طلع واطب ومعندهوش اصل هتثقي في الخواجه ده
دره بضحك يا بت افهمي چاك مجرد مستشار قانوني ونائب ينوب عني في كل حاجه نصيبي في الشركات و الڤيلا وكل حاجه بأسمي فعلا انا مش عملاله توكيل عام وده من زمان هو بس يقدر يخلص اي حاجه في الشغل بدالي
والاهم من كل ده المواضيع اللي زي دي بتاخد وقت انتي فاهمه يعني ايه 3 فروع لشركه في ولايات مختلفه يتعرضوا للبيع
الموضوع مش سهل ومش هيخلص في يوم وليله يا مها ده بيع وشراء وتخليص اوراق وتوثيقها وبعدين هندخل في مرحله تانيه وهو تحويل المبالغ دي كلها الشركات و العربيات والڤيلا والشغل اللي اصلا مالي السوق كل دي حجات مش سهله وتتقدر بملايين كتير اوي وتحويلها هياخد وقت اكيد متقلقيش انا وكرم متابعين معاه كل حاجه
مها طب انتي ناويه تعملي بالفلوس يا دره 
دره مش هنكدب عليكي يا مها فكرت كتير ولسه لحد الوقت منعرفش انا بقولك تمن الاملاك دي كلها ملايين تيجي بس الفلوس ونفكر مع بعض لاني مش هنقدر نفكر لوحدي 
مها ربنا يرزقك بكل خير ويهديكي للافكار الصح اللي تحافظ علي فلوسك انتي وعيالك 
دره يارب يا مها اللهم امين بنقولك ايه بطلي رغي بقي وتعالي ننزل نقعد مع نوجا شويه عشان مستنياني
مها احيه انتي يابت لاحقتي بتضحكي عليا بالشويه دول
دره الايام جايه كتير خلينا ننزل بس نقعد معاها شويه عشان متزعلش 
مها ماشي طب اشربي العصير لحد ما نقفل الانوار جوه ونجيلك
دره ماشي يا ستي 
في المساء اتصل محمد علي دانه سحبت نفسها بهدوء ودخلت علي اوضتها عشان ترد عليه 
دانه الو
محمد وحشتيني علي فكره وکرهت المذاكره اللي وخدانا من بعض دي 
دانه بإبتسامه مش ناوي تنجح ولا ايه يا استاذ
محمد يا ستي ناوي والله إن شاء الله وبنذاكر والله بس زهقت وانتي وحشاني مبقتش عارف نتلم عليكي وبنشوفك صدفه في البلكونه 
دانه بطل كدب شويه صدفه ايه انت كل شويه تبعتلي رساله وتقولي اخرجي نشوفك 
محمد بضحك انتي بتعديهم عليا 
دانه اكيد لا لان انا كمان ببقي عايزه اشوفك بس احنا لازم نشد شويه الحاډثه واللي حصل ضيع مننا وقت طويل يا محمد ولازم نعوض كل المحاضرات المهمه اللي فاتت ونيجي علي نفسنا كمان متنساش ان تقريبا اول الترم كان ضايع بالنسبالي انا واخواتي
عشان الظروف اللي حصلت فا كلنا محتاجين مجهود كبير اوي عشان ننقذ ما يمكن إنقاذه وكمان هقولك علي سر
محمد قولي يا قلبي
دانه مامي بتحاول متبينش وتحسسنا ان الموضوع مش فارق معانا واننا لينا عذرنا في اي حاجه هتحصل في الامتحان بس انا واثقه انها متوتره وخاېفه بجد اننا نجيب تقديرات مش حلوه او
نشيل السنه وتضيع علينا عشان كده اتفقت انا وديما ودارين اننا نعمل كل اللي يطلع في ايدنا عشان ننجح وبتقدير كمان ونفرحها ومنخيبش ظنها فينا مامي تستاهل انها تفرح من قلبها يا محمد عشان كده عيزاك تستحملني 
محمد نستحملك ايه يا عبيطه انتي صدقتي انتي صحيح وحشاني ونفسي نقعد معاكي ونخرج كلنا زي ما كنا بنخرج بس اكيد انا كمان مش هنقبل غير بتقدير عالي ليكي ومستحيل نعطلك وواثق
ان رغم كل اللي مريتوا بيه انكم هتقدروا تفرحوا دره بجد واصلا كلامك نفسه يخليني اثق فيكي انك هتقدري
اوعي تشيلي همي ابدا انا عايز اشوفك احسن حد في الدنيا وبنوعدك يا ستي ان الاسبوع ده انا كمان هنطحن روحي في المذاكره عشان ننجح بتقدير ونفرح ابويا وامي والكل
دانه اهو كده الكلام وبعدين مش عايزين ننكد علي اي حد عايزين نخلص وننجح ونرتاح ونفضي بقي لجواز مامي وكيرو ويفرحوا بجد من غير ما يشيلوا همنا 
محمد معاكي حق في كل كلمه يا ست البنات 
دانه بحبك اوي علي فكره
محمد ايووووووه يا جدعان طب و دين محمد عشان الكلمتين الحلوين دول لا نقوم نخلص ماده من اولها لاخرها 
دانه بضحك طب نعد بقي عندك كام ماده وهقولك بعددها اني بحبك عشان ربنا يهديك وتخلص كل المواد 
محمد وانا موافق وعلي فكره انا كمان بحبك اوي والله العظيم يا دانه ومبسوط انك في حياتي 
دانه بجد
محمد ودي عايزه سؤال طبعا بجد قوليلي بقي مش عايزه اي حاجه نجيبهالك من الشارع
دانه حاجه زي ايه
محمد اي حاجه تيجي في بالك حاجه تاكليها حاجه تشربيها اي حاجه تظبط المود عندك اكتر عشان تعرفي تركزي 
دانه امممم عيزاك تقعد تذاكر ومتهربش من المذاكره انا عندي هنا كل حاجه لو بتحبني بجد وعايز المود بتاعي يتظبط قوم يلا كمل مذاكرتك 
محمد حاضر يا قلبي هنقوم مش عايزه اي حاجه قبل ما نقفل
دانه لا ميرسي سلامتك
محمد يلا باي قبل ما تنامي عرفيني 
دانه حاضر باي يا روحي
ديما ودارين دخلوا هما كمان اوضهم عشان بكملوا مذاكره وسابت دارين موبايلها بره
رن موبايلها لمحت دره اسم هيما وجنبه قلب احمر ابتسمت وقررت ترخم عليه وتعمل فيها حما هي كده كده عارفه من دارين انها