اڼتقام الندى الجزء الخامس. بقلم دعاء

احم معلش اصلى لاقيته منعكش فبعلق الفساتين دى ثوانى ياعمتو وهجيلك خلاص اهوة
ثم اخفت الفستان بين ثيابها الاخرى ولكنها كانت تتحاشى مواجهه عمتها
سوسن بابتسامةايه يا عفريته كنتى بتخبى ايه بقى فالدولاب انا شايفاكى محتارة وبتنقلى الهدوم من حته لحته
ندى بارتباك أاصل خطوبه مايسة بكرة اشترت فستانها وقالتلى اشيله عندى وهتاخده بكرة
سوسن بفرحة بجد الف مبروك اخيرا البت المفعوصة دى هتتخطب عقبالك يا حبيبتى
ندى بلا اهتمام أأه طبعا طبعا عقبالى ان شاء الله
سوسن ومال صوتك متغير ليه
ندى معلش يا عمتو انا تعبانه فالشغل الايام دى
سوسن ربنا يقويكى يا حبيبتى لو تعبانة بلاش تروحى الشغل النهارده وانا شويه واعملك حاجة تشربيها تهدى اعصابك
ندى لا متتعبيش نفسك يا عمتو واذا كان ع الاجازة فانا فعلا مش هروح النهارده وفرصة اكلم مايسة وننزل نشترى شويه حاجات ليها ع العصر كده
سوسن ربنا يفرحها يا حبيبتى وميحرمكوش من بعض
ندى ربنا يعدى بكرة على خير ومتبقاش مايسة خدت اكبر مقلب ف حياتها
سوسن_ ياسلام ليه بتقولى كده انتى مش فرحانه لصحبتك ولا ايه
ندى ببرود وصوت مخڼوق _ومش هفرح ليه يعنى ده صحبتى الوحيده وبتمنالها الخير ربنا يسعدها
سوسن_ ومالك انتى خاېفة تبصى فوشى ليه انتى مخبية حاجة عنى
اقتربت وادارت سوسن وجه ندى اليها فلمحت الدموع تتارجح فى عينيها فقالت الله مالك ياندى فى ايه احكى لى انا مكان امك دلوقتى
مسحت ندى دموعها بطرف يدها قائله_ لا مفيش حاجة ياعمتو انا كويسه
سوسن_ انا مقدرة مشاعرك طبيعى تتأثرى علشان صحبتك بس دى خطوبة يعنى اكيد لسه شويه ع الجواز
ندى اه لسه!
سوسن ولا تكونيش زعلانه من وائل علشان اللى عمله امبارح معاكى عموما انا بهدلته
ندى خلاص يا عمتو حصل خير متشغليش بالك
سوسن بفضول ونظرة ماكرة_ طب ماتورينى الفستان انا مش العريس على فكرة
ندى لا اصل يعنى 
لمحت سوسن الصندوق الفخم الذى دخلت به ندى بالامس ملقى بجوارها ثم قالت بابتسامة مشكلتك ياندى انك مبتعرفيش تكذبى وبيبان على صوتك
ندى انا انا اصلى 
سوسن اصلك ايه بس
الفستان ده بتاعك يا ندى دا انتى بنت اخويا وانا عجناكى وخبزاكى
ندى....
سوسن بتأكيد بتاعك مش بتاع مايسة مش كده
ندى بارتباك يا عمتو انا..!
سوسن بابتسامة ورينى الفستان يا حبيبتى مټخافيش
فاخرجت ندى الفستان من الدولاب وقالت اهوة ياعمتو ايه رايك
سوسن فى اعجاب بسم الله ماشاء الله فمنتهى الجمال ولونه تحفة بس عريان زياده عن اللزوم وده كمان مش ذوقك فاللبس ده زوق عالى اوى وشكله غالى كمان ده ميقلش عن 15000 جنيه صارحينى جبتيه منين ومتقوليش اشتريته علشان مش معقول تكونى خرجتى امبارح من الصبح لنص الليل وترجعى بيه بقدرة قادر كده انا عارفة انك روحتى الشركة بس مظنش فاسبوع واحد شغل هتلحقى تقبضى المبلغ ده وانتى اصلا شايله الفيزا بتاعتك معايا علشان قديمة مش انتى قلتى لى انها خلصت وهتجدديها
ندى بارتباك اه قلت كده وسكتت وهى تعيد الفستان كما كان
سوسن مالك ياندى شكلك واسلوبك فالكلام مش مريحنى
ندى عادى ياعمتى والله
سوسن لا مش عادى وكمان حكاية الفستان مش مرتاحه لها صارحينى
وامسكت يدها الى السرير وجلست واجلستها وقالت وهى تربت على كتفها ها احكى لى ايه اللى حصل بالتفصيل بقى
ندى بصى ياعمتو كل اللى جة فدماغك انتى ووائل ووائل بالتحديد لما شفتينى داخلة بالهديه ملوش اساس من الصحة مفيش حاجة بينى وبين صادق بية الا علاقة شغل وبس
سوسن طب يا بنتى خلينى معاكى للاخر مفيش راجل بيهادى ست الا اذا كان بيحبها وليه غرض فيها غير كده يبقى نيته مش كويسة ياحبيبتى
ندى ...
سوسن ساكته ليه الفستان ده له علاقة بخروجة امبارح مش كده
ندى بضيق ايوة
سوسن انتى غلطتى ياندى مكنش يصح تقبليه ابدا وكمان مكنش يصح تخرجى مع الراجل ده لوحدك من اصله وتتاخرى لغاية بالليل
ندى صدقينى يا عمتو انا كنت فاجتماع عمل فعلا وبعد ماخلص عرض عليا يعزمنى على الغدا على باخرة فالنيل قاللى انها بتاعته ولاقيته جايبلى الفستان ده هديه عيد ميلادى ولما الوقت اتاخر عرض عليا يوصلنى لان العربيه بتاعتى عطلت بيا على مدخل الشركة فسيبتها هناك وقاللى هتتصلح وهيجبيها لى النهارده
سوسن _ انا مصدقاكى يا حبيبتى بس حتى لو كان مدير الشركة ده اسمه راجل غريب والناس يا بنتى مبتفهمش الامور كده زى ما انتى بتبصي لها وليهم الظاهر وكلامهم بيوجع ومش هتتحمليه انتى جوهرة لازم تتصان ومحدش يتكلم عليها نص كلمة انتى لسه صغيرة ولسة ناقصك خبرات كتير وتستاهلى انسان يقدرك مش بيسلى بيكى فاهمه ياندى
ندى ...
سوسن برضة ساكته ياندى انتى حصل حاجة كده ولا كده بينك وبين الراجل ده
ندى بانفعال ايه يا عمتو اللى بتقوليه ده لاأأ لا طبعا وسرحت وتذكرت القبله
سوسن بابتسامة على فكرة الراجل ده عينه منك مستلطفك يعنى مش كده
ندى فى سرها لو عرفتى الحقيقه هتحتقريه ومش بعيد تكرهينى انا كمان
سوسن تابعت طب