يابنتى لو كان كده ما يدخل البيت من بابه بدل مايقابلك ف السر واخذت تتكلم وندى لاتسمعها
ندى لاخر مره بسألك انتى بتحبيه ردى يابنتى انتى مش معايا خالص
ردت_ ها بتقولى ايه ياعمتى
سوسن بقولك انتى بتحبيه
ندى زمت شفتيها مش عارفة انا تايهه ومخڼوقة ومش عارفة افكر وخاېفة اضعف
سوسن انا حسه بيكى يا روحى صدقينى بس عارفة انك اقوى من اى مغريات
ندى ارتمت فى احضان عمتها وانهمرت دموعها قائلة انا محتاجالك ياعمتى خليكى جمبى وجودك مطمنى انا محتاره مش عارفة اتصرف حاجات كتير مسيطرة على عقلى ومشاعر مش عارفة اتحكم فيها ومحدش حاسس بيا وائل بيحاصرنى بشكوكة وتصرفاته معايا وحضرتك بتحاولى ترخى بس مش عارفة تراضى مين فينا واديكى شفتى حصل ايه امبارح ضربنى لاول مرة من يوم ماجة مكنتش اتوقع كده من اعز انسان عندى من اكتر شخص غالى عليا بعتبرة اخويا
سوسن عانقتها بحراره قائلة_ ولو انى مش مقتنعة بالكلمة اللى انتى قولتيها من شوية دى وعندى امل لسة انكم مسيركم لبعض وبتمنى من ربنا ده ونفسى يتحقق الا انى عزراه ي حبيبتى وائل بيغير عليكى وبيحبك وبيخاف عليكى من الهوا الطاير ولما بيسمع اسم الراجل ده بيتعفرت وانتى استفزيتيه بردودك البارده وعنادك كانك بتغظيه فشعللتيه اكتر
ندى اعتدلت وجلست امام عمتها وهى تمسح دموعها_ انا متضايقه اوى ياعمتو وصعبان عليا نفسى من وائل ونفسى ارضية بس اعمل ايه
سوسن_ ماتقلقيش وائل طيب وبيطلع وينزل على مفيش مش بعيد تلاقي هو اللى جاى يصالحك
ياللا اغسلى وشك وتعالى نفطر سوا انا مجهزه الفطار من زمان ووائل مستنى تحت بس الكلام خدنا ونسيت
ندى بابتسامة _حاضر اسبقى حضرتك وانا هنزل وراكى
سوسن ايوة كده شفتى وشك نور ازاى لما ابتسمتى ربنا يسعدك يابنتى
يتبع
