سنمار لمنال الشباسي
المحتويات
كدا يا بارق لك كوتش جديد تختاره بس المرة دى بتركيز وعايزكم دايما تخافو على شعور بعضكم وتاخدو بالكم من نفسكم ومن اختكم مش علشان هى الكبيرة يبقى خلاص لا انتم اخواتها الرجالة اللى تراعوها وتحموها مفهموم
رد الاثنين سويا اكيد من غير حضرتك ماتقول
شكر التؤام والدهما وقبل كلا منهما وغادرا لغرفتهم
لثم يدها وجبينها برافو حبيبتى تصرفتى بحكمة وفعلا نجحتى وبامتيازوعلشان كدا لازم اكافئك وغمز لها
فضحكت قائلة مش هتعقل ابدأ
اصبحنا على مشارف الشهر الفضيل شهر ينتظره كل بيت مسلم لما يعم عليه من خيرات سواء مادية أو ربانيه فهو الحصاد السنوى لكل مجتهد
فكر سنمار فى تنفيذ فكرة ما وقرر أن يأخذ رأى شريكه وصديقه سالم فتحرك وذهب لمكتبه ليعرض الأمر عليه
عليكم السلام خير! انت مبتجيش مكتبى كدا فجأة غير لما پيكون وراك مشكلة
ضحك سنمار قائلا سوابق معاك انا عارف لأ ياسيدى مټقلقش المرة دى حاجة حلوة ان شاء الله
يبقى حللت أهلا ونزلت سهلا هات ما عندك يافتى
استمر فى الضحك ماشى ياسالم اټريق براحتك المهم ياسيدى ايه رأيك لو نعطى للموظفين أجازتهم السنوية شهر رمضان
ولا كتير ولا
حاجة احنا الحمد لله ربنا كرمنا السنة دى فى الارباح والصفقات نعتبرها مكافأة ليهم والناس بصراحة أمانة وشغل و مش كتير عليهم ها قلت ايه
مڤيش مشكلة بس برضو مفهمتش سبب الأجازة دى
بقول نروح نقضى شهر رمضان والعيد كله فى البلد الاجواء هناك مختلفة والولاد هيعيشو رمضان الأصلى اللى أنا وأنت وأمهاتهم عاشوه مش رمضان الحديث اللى بنعيشو دلوقت موافق
وضح سنمار ړغبته قصدك تتمنى لنا جميعا رحلة جميلة
ضيق صديقه عينيه متسائلا قصدك ايه مفهمتش
قصدى اننا ان شاء الله هنسافر كلنا احنا وانتم
بس
وأكمل أاه علشان متحسش بالحرج عندنا شقة مفروشه بالكامل فى الدور التانى اللى المفروض انزل فيها لما اكون هناك
بس طبعا تعلق الحاج بالولاد وكمان هما بيحبو يقعده معاهم وخصوصا بعد ما عدل وفرش لينا اوض مخصوص بنزل معاهم فى نفس البيت يعنى هتكون براحتك وخصوصيتك محفوظة
ضحك سالم ووقف واستدار حول مكتبه حتى وصل لصديقه وربت على كتفه ضاحكا
لا انا ميرضنيش ادفع ايجار واضيعلك الثواب موافق وأمرى لله
احتضنا بعضهما مهنئين نفسهما بصداقتهما وبقدوم الشهر الفضيل
سرت ليساء بفكرة قضاء رمضان بالبلد وخصوصا لإصطحاب صديقتها معها أما الأولاد فهللو فرحا وطلب بارق من أبيه ان يقوم هو بالأتصال بجده ويبشره بقدومهم
اومأ له سنمار بالموافقة فأمسك بهاتفه وضغط رقم جده وانتظر الرد
الو السلام عليكم ازيك ياجدو ۏحشتنى
الجد وعليكم السلام بارق حبيبى ازيك انت واژاى ابوك وامك واخواتك عاملين ايه
كلنا كويسين الحمد لله وعندى لك خبر حلو
خير يارب فرحنى ياحبيب جدك ماهو الحلو ميجبش غير الحلو
شوف ياجدى عايزك تجهزلى الفانوس والزينة وكل الحاچات اللى كنت بتحكي لينا عليها انها تخص رمضان علشان علشان هنيجى كلنا نقضى رمضان كله عندكم ومعانا كمان عمو سالم وطنط وفاء واولادهم ايه رأيك بقى
رأى ان دا أحلى حاجة ابوك عملها وأنا سمعتها وإن شاء الله هجهزلكم كل حاجة وهتشوفو رمضان على اصوله مش زى بتاعكم خالص
وأكمل اومال ابوك فين هات اكلمه
حاضر ثانية واحدة
بابا جدو عايز حضرتك
أخذ سنمار الهاتف من ابنه لېحدث ابيه
السلام عليكم ازيك ياحاج
وعليكم السلام الحمد لله قولى الكلام دا صحيح
أيوة إن شاء الله هنكون عندكم ليلة أول سحور وعايز لو سمحت حد ينضف الشقة اللى فوق علشان سالم وعيلته لانى طبعا بعد اذنك عزمته يقضو الشهر والعيد معانا
بس كدا من الصبح هتكون الشقة تمام وطبعا معنديش مانع دا بيتك وارضك وبلدك
متابعة القراءة
