من حكاوي زين الحاډث لرحمة طارق
المحتويات
ساعة ما شفت الراجل دا اه عجوز وانتهى بيه الحال على كرسي بعجل بس لسه محافظ على لطافته يمكن من سنين طويلة.
مين البنت الصغيرة دي
انا وزين بصينا لبعض وكأن الحروف خلصت. حاولت اتكلم معرفتش فزين لحق الموقف بهدوء.
بنت رحمة يا جدو رحمة مطلقة.
ارتحت نسبيا أنه قال الحقيقة وبصيت لجدو اشوف رده فعل لقيته رفع درعاته وبص لزين.
حطها على رجله بهدوء فزوزو اتحركت ومسكت في قميصه وهو طبطب على ظهرها.
باين عليها وقعت في حبك يا كيمو.
ضحك وبص ليها عقبال امها ما تقع في حبك يا حبيب كيمو.
الجو اتكهرب وفي لحظة حسينا نفس الاحساس أننا مكشوفين اوي قدامه. حاولنا نتكلم معرفناش فجدو قطع محاولاتنا بسؤاله
بتعرفي تطبخي يا رحمة
محشي.
ابتسامتي اختفت محشي !
آخر مرة كلت فيها محشي حلو كان من ايدين منال الله يرحمها من اربع سنين تعرفي تعمليه زيها.
قلبي رق وبصيت لزين وافتكرت كلام امبارح على جدو أنه شخص وحيد مالوش حد في الدنيا غير زين بعد ما مراته وام زين منال ماتوا من سنين طويلة.
ودا السبب الأساسي في التمثيلية دي كلها أمثل اني خطيبة زين لمدة أسبوعين أو لحد ما زين يسافر وياخده معاه برا مصر في البلد الي ناوي يستقر ويشتغل فيها وبعد كدا يبقى يقوله حكايتنا انتهت بس على الاقل يكون فرح يومين في حياته.
مطبخ أنيق قديم ولكنه محتفظ بنفس الدفا والأمان.
درف أدراج ترابيزة وصور قديمة صغيرة على باب التلاجة لأشخاص بيحبوا بعض لحظات عشوائية ابتسامات بريئة وذكريات لسه باقية.. لسه باقية رغم المۏت.. ولسه الحب ظاهر فيهم.
دي منال أمي.
كنت بلمس صورتها بصوابعي بشرود انتبهت على صوته فبصتله بصمت ورجعت بصيت الصورة من تاني.
ابتسمت بسخرية حرام عليك.
حرام عليا دي امي.
تقوم تشبه نفسك بالرقة دي كلها
ضحك ضحكة قصيرة متشكر لذوقك.
بتعرف تلف ورق العنب
ملامحه خاڤت ايه
أية انت انت فاكر انك هتدبسني وتخلع
أنت مبتعرفيش تطبخي أصلا
بصتله من فوق لتحت بهدوء وهو ملامحه بدأت تتشد فرحمته بعرف.
الحمد..
كملت قبل ياخد نفسه بس لازم تساعدني.
اساعدك لا طبعا.
صلي على النبي.
انت فاكرني شغالة عندك ولا اية
لا طبعا ازاي...
روح هات حلة يلا عشان نسلق الورق
آية !
زعقت انت لسه واقف عندك
كان قاعد قدامي بيعمل سلطة وهو ساكت وانا قاعدة قدامه بهدوء مستنية المحشي يطيب وكاتمة الضحك بالعافية كان قلقان مني وكل ما يبصلي ابصله بحدة فيبص للخضار قدامه ويكمل..فاكر أنه بيلعب مع عيلة صغيرة ولا ايه
اعملي شاي.
لا بقى لا بقى أنت فاكرة نفسك اشترتيني
رمشت ببراءة كل دا علشان طلبت كوباية شاي مش المفروض اني ضيفة وانت صاحب البيت هقوم اعمل لنفسي يعني!
اه.
طيب اعملك معايا
رفع راسه زي الطلقة فابتسمت وحطيت البراد على الڼار.
هتعمليلي شاي بجد
طبعا يا حبيبي انت اكيد مصدع ومحتاج كوباية شاي.
حبيبي!
طبعا حبيبي وخطيبي وتعالي يا كيمو تعالى اقعد معانا.
دخل بالكرسي بتاعه وهو بيبصلنا بهدوء منه لله الغبي دا هيفضل متنح كدا كتير!
وقفت جنبه وضړبت رجله بكعب جزمتي.
اسفة يا حبيبي دوست على رجلك بالغلط.
رفع رجله عن الأرض وهو بيكتم الألم.
ابقي خدي بالك يا حبيبتي بعد كدا.
رد جدو بهدوء زعلتها في اية يا ولد
متابعة القراءة
