من حكاوي زين الحاډث لرحمة طارق
المحتويات
زعلتها
طبعا الست متدوسش على رجل الراجل إلا لو كانت زعلانة أو متغاظة أو عاوزة تلحقه من حاجة مثلا.
احية على الذكاء! بصيت لزين فاتحرك بسرعة وقبل ما افهم مسك ايدي وباسها !!
أنا اسف يا حبيبتي اني اتعصبت عليك حقك عليا.
فضلت ساكتة لثواني استوعب وببطء سحبت ايدي من أيده وابتسمت بتوتر أنا مش زعلانة.
بصيت لجدو فابتسم ونظراته انقلبت لعبث لطيف.
عملت ورق العنب
ابتسمت بزهو وفتحت الحلة واخدت كام واحدة في طبق وادتهوله. اكل واحدة وفجأة غمض عينيه واتألم.
مالك يا جدو انت كويس
ايه الجمال دا !
حطيت ايدي على قلبي وزين بص للسقف بعد الخضة دي فكتمت الضحك بالعافية.
شكرا يا جدو.
برضو جدو أنت شايفاني عجوز يعني أنا لسه صغير.
ويا ترى أنا بس الي وسيم
هي العيلة كلها خبيثة ولا انا الي بيتهيألي !
أنا.. انا اتأخرت ولازم امشي هروح اخد زوزو الي نامت و..
لا لا تمشي فين أنت لسه مشوفتيش الست دلال وطبق بسبوسة الست دلال.
بصيت لزين مين الست دلال
كتم ضحكته حاسة السمع عندك قوية
يعني الحمدلله.
مفهمتش يقصدوا أية بس لقيتهم كلهم بيخرجوا من المطبخ وزين بيفتح باب الشقة من غير ما الجرس يرن!
ثانية والتانية وسمعت صوت اغنية.. ام كلثوم !
يا ناسيني وانت على بالي وخيالك ما يفارق عيني.
ايد عجوزة زقت الباب والاغنية كملت ..
ريحني واعطف على حالي وارحمني من كتر ظنوني.
يا ناسيني.
دلال فعلا دلال وجمال ورقة وأناقة مقدرتش الايام ولا تجاعيد وشها انها تخفيهم.
ايه دا ايه الرقة دي كلها
زين..
الست دلال حب جدو القديم من خمسة وتلاتين سنة.
خمسة وتلاتين!
هز رأسه فتابعتها بعيوني مبهورة شكلها في الخمسينات شعرها كله أبيض وطويل زي السحر.. زي أسطورة قديمة.
مليانة شوية بطريقة لطيفة خفيفة وابتسامتها تأثر القلب.
واخيرا اخدت بالها مني بعد ابتسامات ونظرات بينها وبين جدو وقبل ما ارد زين سبقني
زوجة المستقبل فرد جديد بينا.
ابتسمت ومردتش اعدل كلامه مديت ايدي فشدتني لحضنها وطبطبت على ضهري لمست ظهرها ببطء وابتسمت باهتزاز اول ما سابتني.
تعالي اقعدي واحكيلي حكايتك.
حسيت فجأة اني مرهقة مرهقة حتى اني ارد عليها فبصيت لزين الي للغريب فهم شعوري فقال
حطيت زوزو على رجلي وساق هو العربية وانا بصيت من الشباك بشرود ياااااه خمسة وتلاتين سنة حب !
حب خالص حب نقي حب بدون وعود جواز أو احتمالات لقا حب وبس !
ازاي خمسة وتلاتين سنة
كانت دي اول مرة جملة أقولها من ساعة من ركبنا العربية.
ليه مستغربة
لية مستغربة انت سامع نفسك قصة حب مدتها تلاتين سنة ! دا عادي
لا دا نادر والنادر في الأصل موجود فهي مش حكاية غريبة اوي كدا.. تحبي احكيهالك
بتعرف تحكي حكايات
هجرب فيك.
ابتسمت اتفضل يا سيدي كلي آذان صاغية.
ابتسم وبدأ يتكلم وأنا ملامحي اتغيرت صوته رق اوي دفي اوي وهدي اوي اوي.. وكأنه عارف تأثيره فكمل الهالة وعمق ابتسامته أكتر.
دلال وكمال كانوا جيران من زمان اوى من ايام ما كانت اللقا عبارة عن نظرة وهمسة بدون صوت من شباك للتاني من ايام ما كانت النظرة تشرح والإبتسامة تكفى والكلمة تجبر القلب. كانوا متواعدين على
متابعة القراءة
