من حكاوي زين الحاډث لرحمة طارق
سرحانة شهرين عدوا بدون مكالمة واحدة بدون سؤال بدون محاولة رجوع وكأنه كان فاهم إنها النهاية وأننا مننفعش نكون لبعض عنده حق ليه يربط نفسه بواحدة مطلقة ويشيل مسئولية بنت صغيرة فوق مسئولية جده ومسئولية نفسه !
ايدي اترعشت على الدركسيون لما افتكرت بيت شعر للابنودي يناسب حالتي تماما ..
حاسبي.
وقفت العربية فجأة بعد صړخة واحد وقع قدامها على الأرض.. أنا خبطت واحد تاني بالعربية !!
الناس اتلمت وانا فتحت الباب ولفيت حوالين العربية برعشة.
مشوفتوش أنا.. زين !!
وقعت على الأرض جنبه لقيت عيونه مقفولة جسمه ساكن.
زين!
لمست وشه بړعب وهزيت جسمه.
سمعت صوت حد ورايا حد يتصل بالاسعاف يا اخوانا.
ايدي اترعشت فوق وشه.
زين فوق.. فوق متعملش فيا كدا.
أفوق و تتجوزيني
رمشت بعيني كام مرة علشان أتأكد أنه اتكلم بجد وانا مش بهلوس بصيت لوشه تاني لقيته ساكن زي ما هو فقربت منه شوية.
زين.. أنت قولت حاجة
تتجوزيني
المرادي فتح عينيه !
نتجوز ونلم الليلة ولا نطلع على القسم ونعمل محضر
أنا مش.. مش فاهمة.
أنا هفهمك.
بص للناس الي حوالينا وقام وقف.
أنا كويس يا جماعة كل الحكاية أن خطيبتي زعلانة مني شوية وعاوزة تلغي الجوازة ومش بس كدا لا دي كانت عايزة تموتنى بعربيتها.
أنا
ولو مش انت مش موافقة على الجواز ليه
زين اسكت.. اسكت خالص.
بذمتك مش نفسك تسمعي جملة بارك الله لهما وبارك عليهما وجمع بينهم في خير
الله يسترك يا راجل يا طيب قولها خليها توافق.
ربعت ايدي وبصتله يعني انت مصمم
أيوة.
بصيت الناس طيب يا جماعة وهو الي عاوز يتجوز حد يغيب عنه شهرين ولا يسأل فيه حتى برسالة واحدة ! يرضيكم
هزوا راسهم بالنفي.
مش معنى اني مشيت اني مش عايزاك.
ولا معنى اني كنت بفكر في حياتنا اني مش بحبك.
بتحبني!!
وأنت لسه بتسألي دا أنا راقبتك ورميت نفسي على العربية علشان اقولك نتجوز عاوزة دليل أكبر من كدا ايه.
يعني بتعترف انك أنت الي رميت نفسك على العربية.
أية !
يلا يا جماعة نروح القسم ونعمله محضر إشغال طريق عام علشان يحترم حقوق الطريق
أيوة محضر أنا لازم اخد حقي منك.
ابتسم ببطء ومفيش مقابل بدل المحضر أنا ابن ناس ومش وش پهدلة.
لا مفيش.
طب شوفي أية يريحك وانا هعمله.
تقدر تصحى من نومك في نص الليل وتحايل زوزو وتحكيلها حكاية علشان تنام
وام زوزو كمان.
هتعرف تحكي حكايات يا زين
وافقي انت بس وانا هغرقك في الحكايات الصبح حكاية وبليل حكاية في الفرح حكاية وفي الحزن حكاية و..
موافقة.
طب يلا بسم الله اول حكاية ... بحبك
تمت
