تزوجت أرمل الجزء الثاني بقلم هاجر عمر

ما يرضنيش 
قعدت وبدؤا أكل وف صمت تام يامن ويزن وسجدة كل واحد عينه ف طبقه بكسرة وحزن وبيبصوا لمؤيد من وقت للتانى لعل وعسي يحن عليهم ويسامحهم 
مؤيد مراقبهم من غير ما ياخدوا بالهم وحاسس بتصرفاتهم بس محتفظ ببروده ولا مبالاة 
هاجر قاعدة تراقبهم كلهم باستغراب مش دى السفرة ال بتقعد عليها مليانة حياة وهزار وضحك ومشاكسة مؤيد لأولاده ومقالبهم. معقول مؤيد زعلان منهم للدرجادى مهما أن كان غلطهم ما يستاهلوش يتعاملو منه كدا 
حاولت هاجر تلطف الجو وتفتح مواضيع من الوقت للتانى وتهزر أحيانا يندمجوا معاها وضحكتهم ما تتخطاش شفايفهم واحيانا يسكتوا سجدة ال نوعا ما كانت بتنجذب لكلام هاجر وتشاركها الضحك والهزار 
مؤيد متابعهم وفرحان بقرب سجدة من هاجر وقرر انه للزم يكمل ف موقفه لاول سبب انه يعاقبهم على غلطهم وتانى سبب انها فرصة يقربوا من هاجر ويتقبلوها خلصوا أكل ومؤيد قام يشيل الاكل هاجر قربت تساعده رفض تماما وطلب منها تستريح وهو شال الاكل وغسل الإطباق خرج بعد ما خلص وبيستعد للخروج حبيبتى أنا نازل مشوار عايزة حاجة اجيبها وانا راجع
هاجر التفتتله بابتسامة لا يا حبيبى ترجع بالسلامه 
قرب منها باس راسها بحب ماشي يا حبيبي مع السلامة 
نزل مؤيد وهاجر دخلت ل يامن ويزن اوضتهم كانو بيذاكروا ممكن اتكلم معاكوا شوية
 نزل مؤيد وهاجر دخلت ل يامن ويزن اوضتهم كانو بيذاكروا ومعاهم سجدة ممكن اتكلم معاكوا شوية
بصوا لبعض باستغراب ورجعوا بصولها هاجر بمشاكسة وعلى وشها ابتسامة ايه امشي
 يامن بتوتر  لا طبعا اتفضلى يا طنط
 دخلت بهدوء وقعدت جنبهم ممكن اعرف بابا زعلان منكوا ليه
بصوا لبعض وسكتوا بصتلهم بتفاهم لو مش عايزين تحكوا براحتكوا أنا بس كنت بحاول اساعدكوا عشان اعرف اصالحكوا عليه
يزن بلع ريقه پخوف وبصلها عشان يتكلم ورجع سكت هاجر بصتله تشجعه يتكلم الموضوع ليه علاقة بحړق ايدى صح
بصوا لبعض پصدمة وفضلوا ساكتين وخايفين هاجر ابتسمت عشان تطمنهم واتكلمت بحنان صدقونى مهما أن كان ايه ال حصل أنا مش هزعل ولا جاية اخوفكوا 
قربت من سجدة مسحت على شعرها بحنان  أنا عارفة انكوا مش بتحبونى وخايفين انى اخد مكان ماما بس يستحيل اعمل كدا أنا لما وافقت اتجوز بابا خدت عهد على نفسي اعاملك زى ولادى ولما شوفتكوا حبيتكم جدا ويعز عليا انكوا تتخاصموا أو يبقى فيه زعل بسببى
ابتسمت بحنان ممكن تعتبرونى صاحبتكم مثلا وتحكولى ال مضايقكم 
بصوا لبعض وكأنهم بيتأكدوا من كلامها وبيستشفوا صدق كلامها يامن بصلها وحكالها كل ال حصل وهي بتسمعه بابتسامة ما اتغيرتش من كلامهم وكل واحد بيحكى عمل ايه لحد ما خلصوا 
هاجر رفعت حاجبها بمشاكسة طب واللى يصالحكوا على بابا 
فرحوا وارتسمت البسمة على وشهم مدت ايدها ليهم توعدونى نبقى أصحاب ونبطل المقالب ال بتعملوها 
حطوا ايدهم على ايدها يحماس وعلى وشهم ابتسامة نوعدك 
قامت بسعادة انها قربت منهم وبحماس طيب اسمعوا بقى هنصالح بابا ازاى
يتبع