تزوجت أرمل الجزء الثاني بقلم هاجر عمر

انتظارى دا عشان اتكافئ بيك كنت انتظرت بكل حب ولو قالولى انتظر سنين العمر كنت هنتظر كمان بكل رضا عمرى ما كنت اتخيل اتجوز واحد بحنيتك ولا هدوئك ف مقابلة المشكلات أنت. أنت 
بصت حواليها تحاول تلاقى تعبير يوصف ال جواها ما لقيتش بصتله بحب أنت لطيف اوى وجميل 
كان بيسمعها بصمت وجواه قلبه بيتنطط من الفرحة معقول اعترفت بحبه معقول هي شيفاه بالشكل دا لدرجة انها مش قادرة تعبرله عن ال جواها كانت ابتسامته بتزيد مع حركة ايدها وهي متوترة وبتحاول تلاقى تعبير يوصف احساسها مسك ايدها تانى بحب يهديها وقاطعها 
انتى اللي جميلة يا هاجر جميلة فوق الوصف 
اكتفت بابتسامة عشق ظاهرة ف عيونها وواصلة لقلبه زرعت فرحة زى قطرة ماية نازلة على ارض جافة مېتة ردت فيها الروح ونبتت ورد قام من جنبها بهدوء يلا يا حبيبي عشان تنامى انتى تعبتى انهاردة
نامت وغطاها بهدوء وطبع قبلة على جبينها ولف الناحية التانية نام جنبها وخدها ف حضنه بصلها بلهفة لما افتكر الحړق مضايقك يا حبيبتى 
ابتسمت بحب وفرحة على خۏفها عليها واهتمامه بيها لا يا حبيبى 
هز راسه بابتسامه وهي غمضت عيونها أول ما غمضت ابتسامته اتلاشت واحدة واحدة وبصلها بحزن وتأنيب ضمير وافتكر اللي حصل لما نزل بعد ما ساب حماته 
لما اتكلم مع الدكتور فالمستشفى عن الكريم شك فعلا أن فيه حاجة غريبة ازاى الكريم يعمل كدا وهو اساسا للحروق وخصوصا دى مش أول مرة يستخدمه بالعكس الكريم موجود دايما فشقته وفشقة والدته لاى حالة طارئة وافتكر حماته لما كانت فالاوضة مع أولاده وهدوئهم الغريب الغير معتاد ونظراتهم لبعض ويزن لما دخل الحمام وبعدها سجدة والشوربة 
أول ما رجع البيت واطمن على هاجر ساب حماته واخد الكريم الصيدلية يتأكد من شكوكه واټصدم من الدكتور لما قاله أن الكريم مخلوط بخل تفاح وملح 
ازاى ولاده يفكروا ف كدا مش معقول يستحيل دا يكون تفكير أطفال. وقف عند النقطة دى اكيد هي مرات عمه مفيش غيرها معقول يوصل تفكيرها لكدا معقول كرهها والحقد ملى قلبها لدرجة انها ټشوهها ما بقاش عارف يعمل ايه يرجع البيت ويطردها ولا يعاتبها بس عتاب عتاب ايه ولا ينفع يطردها مهما أن كان جدة أولاده وهما بيحبوها وان كانت قدرت تكرهم ف هاجر دلوقتي واشتركوا معاها ف حقدها مش بعيد يكرهوا هاجر للابد لو عرفوا انها السبب ف بعدهم عن جدتهم ودا اللى اكيد جدتهم هتوصلهولهم وبعدين يا الله. العمل ايه مفيش غيرها اكلم عمى واخليه يبعدها من غير ما هي تحس ما ينفعش تقعد فالبيت دقيقة واحدة زيادة 
طلع تليفونه وكلم عمه والاب التانى ليه حكاله اللى حصل وطلب منه انه ما يحكيش لمرات عمه حاجة ويكتفى بانه يبعدها عنهم وياخدها من عنده دون ما تحس أن مؤيد السبب رجع من أفكاره وبصلها بحزن انه خبى عليها سامحينى بس مهما إن كان دول ولادى ما اقدرش اقولك انهم كانوا قاصدين يأذوكى وكل ال حصلك تخطيط منهم. مهما كان حبك ليهم بس خاېف تشيلى منهم جواكى وال بيعملوه مش شوية واحدة واحدة هتبعدى عنهم عارف انك بنت أصول وبتستحملى لكن مهما أن كان ال بيعملوه مفيش أم تستحمله بس صدقينى هجيبلك حقك وهيتعاقبوا على أفعالهم بس بينى وبينهم 
رجع خصلة من شعرها ورا ودانها ورد كانها بتكلمه مش معنى كدا انى بعزلك عنهم أو ببعدك وعارف كويس انك هترفضى انهم يتعاقبوا بس دلوقتي بالذات لازم يتعاقبوا ما ينفعش اسكت أو اتهاون 
اتنهد وغمض عيونه وهو بيفكر ف بكرة ونام 
عدى اليوم وجه تانى يوم صحى مؤيد وبيبص جنبه بابتسامة ما لقاش هاجر عقد حواجبه باستغراب وبص حواليه ما كانتش ف الاوضة 
قام غسل وشه وخرج يدور عليها ف الشقة وسمع صوت ف المطبخ راح ولقاها واقفة تحضر الفطار. جرى عليها وشد السکينة من ايدها انتى بتعملى ايه مش قولتلك ما تعمليش حاجة خالص والدكتور نبهك الماية ما تجيش على ايدك!
هاجر ابتسمت يا حبيبى مفيش ماية على ايدى اهو ما تقلقش أنا واخدة بالى وبعدين أنا ايدى الشمال ال محروقة يعنى اقدر استخدم اليمين عادي 
هز راسه بعدم اقتناع وإصرار  لا ماليش دعوة بالكلام دا من هنا ورايح مفيش مطبخ ولا أي شغل لحد ما ايدك تخف وانا هحاول اجيبلك واحدة تساعدك ف البيت الفترة دى 
قربت منه وحطت ايدها على صدره تحاول تقنعه وتأثر عليه يا حبيبى وايه لازمته دا كله أنا بحب شغل البيت ومش بحب حد يدخل بيتى ويعرف أسرار البيت ايه ويشارك حياتنا وقولتلك أنا هاخد بالى من ايدى يعنى مفيش مشكلة 
بإصرارلأ يعنى لأ. أنا قولت مفيش شغل يعنى مفيش شغل وان كان على المساعدة أنا هخلى واحدة تيجى تنضف الشقة مرتين