تزوجت أرمل الجزء الثاني بقلم هاجر عمر

بابى 
بصلها ببرود طيب يلا حصلونى على العربية عشان ما نتأخرش
هاجر بسرعة استنى يا مؤيد سجدة لسه ما فطرتش استنى خمس دقايق بس تفطر 
بصلها بهدوء يا حبيبتى ما حدش ضامن الطريق ممكن يكون زحمة ف مش لازم نتأخر 
بصلهم بجمود يلا بسرعة ورايا ع العربية 
هاجر بسرعة طب ثوانى هعملها سندوتشات تاكلها ف السكة 
هز راسه بموافقة وبصلهم أنا هستناكو تحت
هاجر جهزت السندوتشات لسجدة وادتها واحد ف ايدها تاكله وخرجتهم لحد باب الشقة 
نزلوا تحت كان مؤيد قاعد ف العربية قربوا منه پخوف وهما بيبصوا لبعض فتحوا العربية وقعد يامن ويزن ورا وسجدة جنبه ومنكمشين على نفسهم خايفين منه وبيراقبوه مستنيين رد فعله مؤيد مشى من غير ولا كلمة لحد ما وصل للمدرسة ووقف كانوا هينزلو مؤيد وقفهم استنو
بصوا لبعض باستغراب وبصوله مؤيد لفلهم بهدوء وقلع نضارته ممكن افهم بقى ايه ال حصل بالظبط
يزن بلع ريقه پخوف وسجدة عيونها دمعت ويامن اتوتر يزن بتوتر حصل ايه يا بابا
بصله بتركيز من غير ما يرد ودا زاد توترهم اكتر اللى حصل امبارح من أول ما تيتة جت لحد ما طنط هاجر راحت المستشفى
بصوا لبعض بړعب والدموع ف عيونهم وسجدة عيطت وفضلوا ساكتين مؤيد اتعصب وخبط تابلوه العربية أنا مش بكلم نفسي. حالا تحكولى كل حاحة بالتفصيل الممل وليه عملتوا كدا
بصوا لبعض بتردد ويزن بصله پخوف تيته هي ال قالتلنا نعمل كدا 
قفل ايده بعصبية وغمض عينه ورجع بصله بهدوء ايوا أنا عايز اعرف تيتة قالتلكوا ايه بالظبط
يزن بدأ يعيط جامد طلبت منى اروح الحمام أضيف لكريم الحروق خل وملح وبعدها سجدة توقع عليها الاكل وو
زعق بعصبية و ايه انطق
يزن اتفزع من زعيقه وفضل يعيط وما اتكلمش ويامن ال اتكلم وهو بيعيط قالتلنا لازم نعمل كدا عشان هي كانت بټأذى سجدة وكسرتلها ايدها ولازم تتعاقب 
مؤيد صوته على و كدا عقبتوها وليه لما جدتكم قالت كدا ما جاتوش قولتولى هو أنا مش بعاملكم كأصحاب وازاى تسمعوا كلامها وتصدقوها هي سجدة مش وقعت قدام عينكوا وكان طنط هاجر ف المطبخ يبقى ازاى تصدقوا كلامها 
صوته على اكتر انطقوا
سجدة ال اتكلمت وهي بتشهق من العياط تيتة قالتلنا انها عايزة تاخدك مننا وهتبعدك عننا وانها هتخليك ترمينا
بصلها واتنرفز اكتر و أنا من امتى بعدت عنكوا ولا سيبتكوا لحد من يوم ما والدتكم اټوفت وانا بحاول اعوضكم عن فقدانها امتى قصرت معاكوا ف حاجة امتى زعلت حد فيكوا
يزن بدموع تيتة قالتلنا انك بتحبها اكتر من ماما وبتسمع كلامها ف أي حاجة هي تطلبها وانها أول ما تطلب منك ترمينا برة البيت هترمينا عشان ما تزعلهاش
مؤيد حاول يتحكم ف عصبيته واتكلم بهدوء و انتوا صدقتوا انى اعمل كدا انتوا حتة منى يعنى اضحى بنفسي عشانكوا تيتة قالت الكلام دا عشان مش بتحب طنط هاجر لكن طنط هاجر بتحبكوا جدا وبتعتبركوا ولادها من يوم ما دخلت بيتنا زعلت حد فيكوا
هزوا راسهم بنفى بصلهم وكمل بنفس الهدوء رغم ال انتوا عملتوه فيها والمشاكل والمشاغبة ال بتعملوها ف البيت هي بتستقبل دا منكم بكل حب وعمرها ما زعقتلكوا ولا كشرت ف وشكوا وبالعكس بترفض انى أعاقبكوا وتطلب منى ما ازعلكوش ازاى تعملوا معاها كدا دا جزاء الاحسان
نزلوا راسهم بخجل احنا اسفين يا بابا 
بصلهم وبجمود أنا مش هقبل منكم اسف غلطكوا المرة دى كبير كنتم ممكن تأذوها اكتر من كدا لازم تتعاقبوا أنا ما قولتش لطنط هاجر حاجة واتمنى محدش يقولها دا بينا احنا الاربعة وبس و ياريت تتعاملوا معاها أفضل من كدا هي بتحبكم مش بطلب منكم تحبوها بس ع الاقل تحترموها 
اتعدل مكانه وبص قدامه بجمود اتفضلوا على مدرستكوا 
نزلوا راسهم ف الأرض وزعلانين من نفسهم ومن زعل مؤيد منهم ودخلوا مدرستهم كل واحد على فصله 
عند هاجر بعد ما مشيوا دخلت الاكل المطبخ وحاولت تنضف البيت على قد ما تقدر عشان أيدها ولسه داخلة تجهز الغدا تليفونها رن مسكت التليفون تشوف مين واترسمت ابتسامة عشق ف عيونها قبل شفايفها السلام عليكم
بمرحو عليكم السلام أخبارك ايه يا حبيبتي
 قعدت على كرسي الحمد لله بخير أنت عامل ايه والولاد شكلك كنت متعصب الصبح اوعى تكون زعلتهم 
 اتنهد بحزن مفيش حاجة يا روحى الولاد بخير وانا بخير طول ما انتى منورة حياتى
ابتسمتربنا يخليك ليا بس بردو مش هتثبت بكلمتين. ف ايه بينك وبينهم
صدقينى يا حبيبى مفيش أنا بس كنت متأخر. اه صحيح أما بكلمك عشان اقولك ما تعمليش غدا أنا هجيب جاهز وانا راجع من الشغل وطبعا حضرتك نضفتى البيت وما سمعتيش الكلام ف شوية كدا وهتلاقى واحدة تساعدك هتجيلك خليها تعملك ال انتى عايزاه 
قاطعته بس يا مؤيد ما لهوش لزوم دا كله أنا كنت هنضف عادي والبيت اساسا مش محتاج 
بحزم مش عايز جدال