وجد بقلم اليكس عزيز
المحتويات
بنفسها
الخامس
ما ان خرجت حتى وجدها قد قصت شعرها .. شعرها الذي كان يصل لاسفل ظهرها.. اصبح الان يصل بالكاد لمنتصف ظهرها
بخصلاتها
ليه كده
ماما دايما زمان.. كانت تقصلي طراطيف شعري.. وتقولي علشان يطول بسرعة.. وكل مايطول هتنسي اصلا انك كنتي قصاه.. علشان كده قصيت نصه.. علشان يطول بسرعة اكبر وانسى كل حاجة
انا اسف... وهاخدلك حقك.. ماتخافيش...
هي ليه اسمها جودي
ابتسم للذكزي
نور مراتي.. كانت عايزاها حتة مني في كل حاجة حتي اسمي.. وفحطت ياء الملكية علي اسمي.. فمن جود لجودي
لم تتحدث أكثر ولم تبد رد فعل
نزل وهي خلفه... وجد جودي مع صفا
يوه بقى يادادة.. عايزة الوح اتفلج علي مامي وهي بتلعب في المية... .
تعالي يا حبيبة بابي
جرت الطفلة ناحية والدها... فحملها... ورأت خلفه وجد
حملتها وجد
انا بحبك.. حبيني...
وانا بحبك
مامي بتحبني.. يا بابي... ثم نظرت لها مرة اخري.. ممسكة بشعرها.. قائلة بعبوس
مين اخد سعلك
انا قصيته.. كدا حلو
لا... وهو طويل حلو.. كدا وحس
جودي.. كده حلو برضه يا روحي.. علشان مامي ماتزعلش
لا.. بابي قولتلي ما اكدبس..هو مس حلو... بس مامي ماتزعلس
ايه رأيك كل يوم تسرحيلي.. وهو هيطول تاني
لمعت عيون الصغيرة
بجد
بجد
فرحت الصغيرة جدا...
وقفت وجد تنظر لفرحتها.. فقبل الحاډثة كانت مثلها
نظر لفرحة ابنته ونظرتها لها.. اقسم بمعاقبة من له دخل
مر اليوم.. وهي تتفاعل مع جودي.. اكثر وتنطق بعض الكلمات مع جود
حان وقت النوم
كانت قد غفت جودي لتعبها من كثرة اللعب
اومأت له
صعد وهي صعدت خلفه
. لم تبد ردة فعل وانما تنظر له
من انهردا هتنامي هنا... جنب جودي وجنبي... والكوابيس لما هتيجي انا هتصرف... لازم نعدي من الازمة دي...
كأنها لم تسمع شئ
والقت سؤال خارج الموضوع
انت ليه اتجوزتني
اندهش من تحولها.. ولكن الطبيب اخبره انها.. ستدهشه بتصرفاتها حتى تشفي
عايزة الحقيقة وقتها.. ولا دلوقتي
طب تعالي نقعد في التراس
سارت وسار خلفها.. جلست جلس امامها.. تنظر له بعيون ارهقها الحزن
بصي في الاول اما عرفت كنت هطربق الدنيا.. لكن ابوكي كان عنده حق... سمعتك كانت هتبوظ
ابتسمت بسخرية
الي حصل ماحدش يعرفه غير العيلتين وشوية صحاب.. انما المجتمع والميديا.. والوسط بتاعنا ماحدش يعرف حاجة.. فمع الغاء الفرح انتي المتضررة
كان في نيتي كام شهر تتعالجي واعصابك تهدي واطلقك .. وترجعي لحياتك
كنت.. قالتها معقبة
ايوة كنت.. بس دلوقتي.. بنتي اتعلقت بيكي جدا... ومش هستحمل تخسر تاني.. كل ما بتكبر بتسأل علي امها... بس معاكي حبتك.. وانتي كمان معاها بتنسي شوية...
ابتلعت ريقها يتوجس.. هامسة
وايه هيحصل
. فتوترت ملامحها
بصي يا وجد.. ربنا رتبها كده.. ما اعرفش ايه السبب.. بس حاليا انتي مراتي... عارف اني في فرق سن كبير.. بينا... بس هعاملك كبنتي قبل مراتي... وهستنى لحاد ماتتقبليني.. وتشدي حيلك وترجعي وجد القديمة الي جالي معلومات عنها.. الي بهجتها كانت بتملا المكان... انا مش هكدب عليكي واقولك اني حبيتك.. بس قي قبول.. احسبيها بالعقل... وماتقوليش شفقة.. في مليون طريقة اقدر اساعدك بيها... لكن زي ماانتي محتجاني انا كمان محتاجك سواء في حياتي او حياة بنتي
ظلت تنظر لعينيه... تري الصدق فيهم
طب هتجيب حقي من اخوك ازاي
هتأكد من شوية حاجات.. والي انتي تقرريه هنفذه
ظلت يديها داخل يده..
هي مامة جودي ماټت ازاي
تنهد وترك يدها
انا هحكيلك.... انا ونور.. نور كانت السكرتيرة بتاعتي.. كان بينا تفاهم واعجاب كبير... اتجوزنا... فضلنا عشر سنين من غير مانخلف... عملنا كل حاجة من تحاليل وفحوصات وسافرنا لاكتر من دكتور
كله كان كلامه واحد.. مافيش اي عيب لامني ولامنها..
فضلنا عايشين... لحاد ما فجأة واحنا بنتعشى بره اغمى عليها.. جرينا علي المستشفي.. واكتشفنا انها حامل في شهرين...
ابتسم للذكري
فرحنا اوي... قضينا تسع شهور.. في سعادة وتخطيط لحياة جودي... امنا لها كل حاجة تقدر تخليها تعيش لسنة ادام واحنا مش خايفين عليها...
وجه يوم الولادة كل حاجة كانت ماشية طبيعي... بس خرجت جودي.. وماخرجتش نور.. وبس
احمم... انا آسفة.. اني فكرتك
جلس مقابلها مرة اخرى..
وجد.. اسمك نفس حروف اسمي... بصي احنا هنمشي علي علاجك
متابعة القراءة
