حبيبة عبد الرحمن لسلوى فاضل الجزء الثاني

لكن هما في الحقيقة ما يطولوش حتى يلبسوا طرح يارب المعني يكون وصل.
الشخص أنت جاي هنا تقل ادبك أنا ممكن انده لك الامن.
محمد لا أنا مش هقل ادبي أنا هأمد ايدي.
انهي جملته وباغته بلكمة قوية ارتد اثرها للخلف بړعب فتحدث الآخر بټهديد.
محمد اياك تفكر مجرد تفكير انك تضايقها ويفضل ما تتكلمش معاها الا للضرورة ياريت الكلام يكون واضح وما احتاجش اجي تاني لأن وقتها ماتلومش غير نفسك.
السعادة حاوطتها شعرت وكأنها تحلق بالسماء لم تتخيل حتى في أحلامها ان يدافع عنها بتلك الطريقة.
بعد يومان بالجامعة بعد ان انهي احمد المحاضرة نادي على سلمي ليحدثها.
احمد انسة سلمي عايزك لحظة لو سمحتي
اقتربت منه بسعادة وخجل بسيط أيوة يا دكتوراتفضل.
احمد مناقشة رسالتي بعد اسبوع اتمني تكوني موجود واسرتك الكريمة كمان اقصد والدك و والدتك.
كانت نظراتهم المتبادلة تبوح عما عجز اللسان عن البوح به ورقص قلبيهما فرحا عادت سلمي الي البيت بسعادة غامرة واتجهت مباشرتا الي حسناء تتحدث معها.
سلمي مسا مسا لاحلي ماما في الكون.
حسناء الله الله على المزاج العالي ربنا يسعدك كمان وكمان قلبي بيقولي انك عايزة تقولي حاجة والحاجة دي لها علاقة بالمزاج العالي ده.
سلمي الله على قلب الام واحساسها العالي الصراحة الصراحة يعني أيوة بصي أنا معزومة وأنت وبابا كمان على حضور مناقشة رسالة دراسات عليا وأنا يهمني قوي اننا نحضر.
نظرت لها بتفرس قلبي بيقولي ان الموضوع اكبر من مناقشة رسالة صح هو اتحرك وبيدق يا سوسو .
أومأت لها موافقة بسعادة شديدة وخجل.
ضمتها حسناء بحب وحنان والله وكبرتي يا سلمي وهتتخطبي وتتجوزي ربنا يكتب الخير والسعد دايما يا قمر. خلاص اعتبرينا روحنا خلاص بس تعالي بقي كده واحكي لي من الأول واحدة واحدة.
جلست سلمي بجانبها على الفراش وبدأت تقص عليها كل شئ من بداية لقائهما الأول وبداية احساسها به.
وبالمساء عندما جاء زوجها اخبرته بدعوتهما لمناقشة الرسالة.
عادل مش هقدر يا حبيبتي خليها هي تحضر أنا مش هفرق

وأنت روحي لو حابة.
حسناء لا المرة دي بالذات لازم أنت تيجي وجودك اساسي
كاد ان يعترض مرة اخرى فتحدثت لازم يا عادل وعلي بلاطة ده عريس وشكلهم كده في مشاعر بينهم وهتكون فرصة كويسة نتعرف على اسرته.
واضح انك مصرة بس البت المفعوصة جالها عريس هى كبرت بسرعة كده.
حسناء كبرنا يا دولا خلاص.
اقترب منها ونظر اليها بحب شديد أنا كبرت سلمي كبرت لكن أنت يا قمر لسه زي ما أنت شباب وقمرين.
ابتعدت بخجل لسه بقولك كبرنا يا عادل يلا عشان نتعشي مع بعض.
مر الوقت سريعا على الجميع بطيئا على المتلهفين للقاء وبيوم مناقشة الرسالة اتت سلمي مع حسناء وعادل واثناء دخولهم لمحت حسناء عبد الرحمن جالس مع حبيبة ومحمود وتوقعت ان من معهم هي زوجة محمود انقبض قلبها وشعرت برجفة لاحظها عادل سريعا الټفت لما تسلط نظرها عليه ضغط على كفها برفق وكانه يذكرها أنا معك فالتفتت له وعادت البسمة على وجهها.
حسناء أنا كويسة أنا بس اټخضيت شوية ما توقعتش اشوفهم هنا.
عادل متاكدة لو متضايقة نمشي.
ابتسمت وجذبته برفق ليجلسوا لحضور المناقشة. استسلم لها وجلسوا حتى انتهت المناقشة وتفوق احمد كعادته وبعد أنت هاء الحفل اقترب احمد مع اسرته من سلمي لتتعرف الاسرتان وكانت الصدمة هي سيدة الموقف لم يفهم احمد أو سلمى ما يحدث تبادلا نظرات تعجب ودهشة .
احمد هو في أيه أنت م تعرفوا بعض يا عمي اقدم لك بابا وماما وعمتي وعمي عبد الرحمن جوزها .
تبادل الجميع النظرات وحل الڠضب محل الصدمة على وجه عادل بينما حاول محمود تدارك الموقف.
محمود ازيك يا استاذ عادل اهلا مدام حسناء صدفة سعيدة.
سلمي هو حضرتك تعرف ماما وبابا.
عادل الحمد لله تشرفنا بمقابلتكم أنا اسف مضطر امشي يلا يا سلمي يلا يا ح.. يلا نمشي 
كاد ان ينطق اسمها امامهم ولكنه شعر بالغيرة هي الان تقف مع من تزوجها قبله ليس هذا فقط بل واذاها وعذبها.
خيبة الامل هي الشعور الذي سيطر على الجميع خصوصا سلمي واحمد لم يفهما ما حدث ولكن انقبض قلبيهما وعلمت سلمي من ڠضب والدها وعصبيته باستحالة اكتمال فرحتها. بينما شعر عبد الرحمن بالذنب الذي لازمه ولا يريد عتقه أبدا.
ببيت عادل ثار ڠضبا وحاولت حسناء تهدأته وعندما فشلت اثرت الصمت وفضلته عن الدخول في حديث لا جدوي منه لا ياتي سوي بۏجع القلب انفطرت سلمي من البكاء فقد تحطمت احلامها واضطرت حسناء الي الغوص في الماضي مرة اخرى وان تقص عليها سبب تغير عادل والدها وما حدث بالماضي اجمالا دون تفاصيل اشفقت عليها وشعرت بټحطم قلبها فسلمي الان بين عذابين عڈاب القلب والابتعاد عمن تهواه ويهواها وعذاب اعادة الماضي الاليم الي والدتها الروحية التي عوضتها فقد الام ولم تشعرها باليتم يوما.
اما عند احمد فقد جلست معه بسمة وقصت له صلتهم ومعرفتهم القديمة بحسناء.
احمد يعني أيه يا ماما يعني اتحكم علينا بالبعد ليه طيب ذنبنا أيه لا أنا ولا هي لينا علاقة باللي حصل ليه نتحمل ذنب مش ذنبنا.
بسمة يا حبيبي أنت متخيل كل لقاء بينهم هيكون عامل ازاي أنت ما شوفتش جوزها والد سلمي وشه اتقلب ازاى واعتذر ومشي.
احمد لا يا امي هحاول وهعافر مش هستسلم أنا عايزها مش شايف غيرها وهي مؤدبة ومحترمة اتولدت جوأنا مشاعر صافية من غير حول لنا ولا قوة ولو ربنا ما كانش رايد ما كنتش المشاعر دي اتولدت أنا وهي محدش فينا قال للتاني بحبك أو صرح للتاني لكن احاسيسنا وعيونا اتكلموا أنا ههحاول بدل المرة ميه والف ومليون لحد ما يوافقوا.
باليوم التالي ذهب احمد الي منزل سلمي وقابل عادل ودخل معه في نقاش مطول لم يغير عادل رأيه أبدا ولم يستسلم احمد.
احمد أنا مش هستسلم بسهولة يا عمي وهفضل احاول ومش هياس أبدا.
طوال الفترة التي تواجد بها احمد لم تتوقف سلمي عن البكاء وبعد خروجه دخل عادل الي سلمي ضمھا بحنان.
عادل أنا مش عارف أنا كده بظلمك ولا لأ بس حسناء امك ماتستاهلش بعد السنين دي نوجعها كده عارفة احساسها أيه كل مرة يجي وشها في وشه عارفة أنا هحس بأيه وهو شايفها أو بيتكلم معاها.
بكت بصمت ولم تتحدث فخرج عادل وتحدثت هنا بدموع واشفاق على اختها.
هنا أنا شكلي حسدتك قعدت اقول كل حاجة تعوزيها بتحصل لحد ما قلبك اتوجع أنا اسفة ارتمت سلمي بحض اختها وبكت ۏجع قلبها.
مضي شهر منذ المناقشة لم يياس به احمد ذهب الي عادل كثيرا يحاول اقناعه ويترجاه ذبلت سلمي وضعف جسدها التزمت الصمت وانغلقت على نفسها كانت حسناء بتلك الفترة تمر بتخبط بين الماضي والحاضر حاول انس التحدث مع والده ولكنه كان رافض للموضوع نهائيا خصوصا وهو يري صمت حسناء ولأول مرة بامر يخص سلمي وهذا اكد له انها لم تشفي كليا من چرح الماضي كان يشفق عليها كما

انه يشعر بالغيرة ايضا من عبد الرحمن وبشدة.
أخيرا خرجت حسناء من صمتها وطلبت من انس ان يناصرها وهي تتحدث مع والده.
حسناء يا عادل سيب الماضى واطلع منه أنا مش فارق معايا.
عادل بتجادلي في أيه أنت مجرد لما شوفتيه هناك اتضايقتي متخيلة بقي لما نبقي نسايب وتشوفيه في كل مناسبة أنت عارفة الوضع هيكون ازاي.
حسناء مفيش وضع اصلا لانه بقي عادي يا عادل ولا شايفاه اصلا ولا فارق معايا ويومها أنا اټخضيت فعلا ما كنتش اتخيل اقابله بعد العمر ده كله.
عادل ما كنتيش متخيلة تشوفيه مش تناسبيه طاب مش خاېفة عليها يإذيها ولا يمد ايده عليها.
حسناء أولا احنا مش هناسبه هو احنا هناسب محمود اخوها وهو شخص محترم وأنت بنفسك قولت عليه كده زمان. ولوكان عندي ذرة شك واحدة انه ممكن يإذيها ما كنتش اتكلمت أنت مش شايف سلمي بقي شكلها ازاي.
عادل بكرة تنسي.
حسناء وأنت كنت نسيت زمان ولا فضلت تعبان لحد ما اتجمعنا ما تتكلم.
عادل كويس انك فاكرة ان هو اللي بعدنا زمان وعذبك فعايزة دلوقتي ننسابهم ويشوفك في كل مناسبه وتشوفيه وتوجعي قلبك من تاني .
حسناء اعمل أي حاجة عشان بنتي وسعادتها استحالة أوجع قلبها أو اسيبها تتعذب.
وقف امامها ونظر لها بقوة وڠضب مش بنتك سلمي مش بنتك.
خرجت كل من سلمي وهنا على جملته ودموعهما ټغرق وجوههما اما حسناء فعادت خطوة للخلف صدمت مما تفوه ومن طريقته انسابت دموعها دون ارادة منها
لأ بنتي مهما قولت ومهما عملت صحيح مش أنا اللي حملت فيها بس كنت ام تانية اهتميت بها ويعلم ربنا اني ما فرقتش بينها وبين هنا هما التلاتة ولاد قلبي وعمرى وعمري ما سيب حد منهم يتعذب وفي ايدي اني اسعده. وافق يا عادل عشان خاطرى وعشان خاطر سلمي الكبيرة اللي حبتك باخلاص عشان خاطر سلمي بنتك الولد ما يأسش رايح جاي عليك يتحايل عليك ويقنعك ما تكسرش قلوبهم جمعهم في الحلال.
جلس يحاول اخفاء المه ما فكرتيش في احساسي كل مرة هتتقابلوا حتى لو أنا عارف انك مش حاسة ناحيته حاجة ازاى اضطر اقعد واتكلم واتقبل واحد اتجوزك قبلي أنا كمان بحس مش بتكلم بس تعبان هي بنتي بردوا وموجوع عشانها بس مش هتحمل انه يبص لك ويشوفك.
جلست بجانبه ووضعت كفها على ظهره بحنان وابتسمت رغم دموعها المنسابة على وجهها .
حسناء بتغير عليا يا عادل.
نظر لها بعد السنين دي كلها ولسه بتسالي.
حسناء أنا ممكن اعمل أي حاجة عشان اريحك أنت وولادى ممكن ما احضرش أي مناسبة هو موجود فيها.
عادل ومش هتحضرى جواز بنتك على كده ولا خطوبتها.
حسناء طاب يرضيك أيه و أنا اعمله.
عادل اتنقبي عشان اكون متاكد انه استحالة يلمحك ولا يشوف أي حاجة من تفاصيلك.
حسناء موافقة .
عادل مفيش كلام معاه ممكن مراته هو لا.
حسناء حاضر ولو عايز مراته كمان لأ.
عادل احنا كده بنحط البنزين جنب الڼار.
حسناء توء احنا كده بنجمع عصفورين في قفص واحد قلبين بيحبوا بعض.
عادل هتتحملي غيرتي وعصبيتي.
حسناء أي حاجة منك على قلبي زي العسل.
انس احم احم نحن هنا ممكن العصفورين الكبار يكملوا مناقشهم في أوضتهم عشان القاصرات اللي معنا كمان أنا عندي فراغ عاطفي والمشاعر دى غلط عليا.
عادل اتلم يا ولد.
انس ما أنا بشړ بردوا يا والدي وبغير على امي بردوا.
عادل تصدقي تعالي جوة فعلا عشان نتكلم براحتنا.
حسناء حاضر بس كلم دكتور احمد وفرحه بقي.
عادل لأ سيبيه كده وهو كده كده بيتصل كل يومين يعني هيتصل بكرة ولو فقد الامل يبقي هو حر واحسن.
وبالفعل اتصل احمد به باليوم التالي وابلغه موافقته