قيامة ذكرى لعادل عبد الله
المحتويات
ايمان _ لأ اتصلي بماما بسرعة واتصلي بالاسعاف انا مش هقدر انزل معاكي انا حاسة اني ھموت
اتصلت ايناس برباب بسرعه وقالتلها _ تعالي يا ماما ألحقيني
رباب _ في ايه يا بت انطقي
ايناس _ ايمان يا ماما تعبانة اوي اوي واتصلت بالاسعاف
رباب بشغف الأم _ مالها قوليلي في ايه
نزلت رباب بسرعة ذاهبة الي المتزل واتصلت بعلاء لتبلغه بمرض بنتها
رباب _ يا علاء انا مشيت بسرعة علشان ايناس اتصلت بيا وقالتلي ان ايمان اختها تعبانة اوي واتصلوا بالاسعاف
علاء _ في ايه مالها ايمان
رباب _ والله لسه مش عارفة انا خاېفة اوي علي بتتي
رباب _ انا رايحة اشوف في ايه
علاء _ طيب اروح معاكي
رباب _ لا مش هينفع طبعا
علاء _ طيب لما تطمني ابقي طمنيني عليها .
رباب _ حاضر .
علاء _ عايزة فلوس ولا اي حاجة
رباب _ لا يا علاء شكرا
رباب _ لا اوعي تعمل كده
علاء _ ليه
رباب _ هيسألك انت عرفت ازاي هارد تقوله ايه
علاء _ عندك حق طيب خلاص اتصلي انتي بسيف وقوليله
رباب _ حاضر
وفي الطريق اتصلت رباب بايناس وعرفت منها ان الاسعاف اخدت ايمان ونقلتها للمستشفي وصلت رباب للمستشفي وهناك عرفت ان ايمان اتحجزت في الرعاية المركزة جلست رباب وايناس في انتظار الاطمئنان عليها ثم قالت رباب لبنتها _ اتصلي يا ايناس بسيف خطيب اختك وقوليله علي اللي حصل
رباب _ طيب خدي الرقم اهو وكلميه
ايناس _ مبكلمش حد ما تكلميه انتي
رباب _ ماشي يا ايناس
اتصلت رباب بعلاء وابلغته بما حدث وبوجودهم بالمستشفي .
سيف _ مالها ايمان ايه اللي حصل
رباب _ والله يا بني احنا لسه مش عارفين حاجة بس اختها قالتلي انها رجعت من الجامعة تعبانة وانها طلبت منها تتصل بالاسعاف وبعدها اغمي عليها ولسه في غيبوبة لحد دلوقتي
وبعد دقائق خرج الاطباء وقالوا لها انها الحمد لله افاقت من الغيبوبة
رباب _ هي مالها يا دكتور
الطبيب _ دي غيبوبة سكر عادية بس طويلة شوية
رباب _ سكر
الطبيب _ انتوا متعرفوش انها عندها السكر
رباب _ لأ عمرها ما اشتكيت من حاجة زي كده
ايناس _ هي ايمان من امتي يا ماما عندها السكر
رباب _ انا اول مرة اعرف كده دلوقتي
ايناس _ تفتكري ممكن انا كمان يكون عندي
رباب _ ليه بتقولي كده
ايناس _ احنا تؤام يعني المفروض ان تركيبة جسمنا واحدة
رباب _ اسكتي دلوقتي لما نطمن علي اختك الاول وبعدين ابقي حللي واطمني علي نفسك
بعد دقائق وصل سيف بلهفة وسألها _ فين ايمان
ردت ايناس بسرعة _ جوه في الرعاية المركزة طلع عندها السكر
رباب انزعجت من كلام ايناس وقالت _ الدكتور قال انها غيبوبة سكر واحنا اول مرة نعرف انها عندها السكر ولسه لحد دلوقتي منعرفش اذا كان سكر مؤقت ولا دائم
سيف _ المهم اننا نطمن عليها دلوقتي وبعد كده نشوف هنعمل ايه
رباب _ اطمن يا حبيبي الدكتور قال انها فاقت بس هتقعد تحت الملاحظة لحد بكره الصبح وتخرج معانا ان شاء الله
في اليوم التالي خرجت ايمان بعد تحسن حالتها من المستشفي وذهبت للمنزل بصحبة امها واختها ايناس وقبل المغرب جاء سيف ووالدته دعاء ووالده ايمان لم تستطيع الخروج للجلوس معهم
دعاء قالت _ ممكن ندخل لايمان نطمن عليها
رباب رغم مشاعر الغيرة منها _ ايوه طبعا اتفضلي
دخلت دعاء وابنها سيف غرفة ايمان وجلست بجوار خطيبة ابنها ايمان علي سريرها _ الف سلامة عليكي يا ايمي خضتينا عليكي
ايمان _ الله يسلمك يا طنط
دعاء _ والله مش قادرة اقولك سيف البارح والنهاردة حالته عاملة ازاي مش اكل اي حاجة وكان هيتجنن من قلقه عليكي
ايمان بخجل _ ربنا يخليكي يا طنط انا الحمد لله كويسة اهو
دعاء _ طيب يلا بقي شدي حيلك وقومي بالسلامة علشان امتحاناتك قربت
ايمان _ ان شاء الله انا حاسة اني بقيت احسن كتير الحمد لله
دعاء _ اوضتك حلوة اوي بسيطة ومنظمة ورقيقة ذوقك حلو اوي .
ايمان _ ربنا يخليكي يا طنط
وبدأت دعاء تلقي نظرة علي غرفة ايمان يمينا ويسارا حتي انتبهت فجأة وجحظت عيناها وقالت باضطراب _ احنا ماشيين دلوقتي يلا يا سيف .
ايمان _ ما انتي قاعدة يا طنط لسه بدري
دعاء _ لأ لازم نمشي حالا
سيف _ ما تستني يا ماما شوية
دعاء _ بقولك يلا لازم نمشي حالا
ما أنا عادوا إلى المنزل حتى وقفت دعاء أمام سيف
دعاء _ من غير ليه هي كلمة واحدة لازم تفسخ خطوبتك حالا من البنت دي
سيف _ لكن انا بحبها وعايز اكمل معها ومحصلش حاجة علشان تقولي كده
علاء _ في ايه يا دعاء احنا
متابعة القراءة
