قيامة ذكرى لعادل عبد الله
المحتويات
ممكن تتصرف زي ما تحب بدون ما تقولي ممكن اعرف انت ليه بتقولي دلوقتي
علاء _ انا بقولك علشان ضميري تعبني
رباب _ كنت ممكن تريح ضميرك تتبرع بيهم كلهم من غير ما اعرف اي حاجه
علاء _ فعلا كنت ممكن اعمل كده لكن قولتلك علشان تسامحيني
رباب _ ادعي ربنا يسامحك
رباب _ وبعد ما اسامحك
علاء _ هتروحي معايا وتتبرعي بيها بنفسك علشان احس ان ضميري مرتاح
رباب _ ماشي يا علاء
علاء بارتباك _ فيه غلطة تانية لكن مش مقصودة
رباب _ غلطة ايه تاني
رباب _ نهارك اسود انت اټجننت!
علاء _ بقولك كنت فاكرها انتي معرفش انها بنتك
رباب _ ومعرفتش تميز بيني وبين البنت
رباب _ لأ مش للدرجادي
علاء _ متنسيش اني مش متعود اشوفها في المطبخ ودايما بشوفك انتي اللي واقفة فيه
رباب _ نهارك اسود يا علاء بتبص لبنتي
علاء _ مش ممكن ابصلها ابدا
رباب _ ولا يمكن احلوت في عينيك لما شوفت الفيديوهات
رباب _الموضوع ده حصل امتي
علاء _ من فترة مش فاكر امتي بالظبط ومن ساعتها وهي فاكرة انها مسكة عليا ذلة
رباب _ هي فعلا للأسف مسكت عليك ذلة!
علاء _ انتي كمان يا رباب
رباب _ علشان كده البنت بتتصرف ولا هاممها حاجة ماهي عارفة انك عمرك ما تقدر تتكلم
رباب _ متحمل ايه بس ما انت السبب
علاء _ احلفلك بأيه علشان تصدقي
رباب _ انت وقعتنا في مشكلة ملهاش حل نهائي
علاء _ مشكلة ايه مفيش مشكلة ملهاش حل
رباب _ انت والبنت دي مش هينفع تعيشوا في مكان واحد بعد كده
رباب _ كلامي واضح انت وهي مش هينفع تعيشوا في مكان واحد بعد كده مش محتاجة تفسير
علاء _ وليه بتقولي كده مادام انتي فهمتي الحقيقة وهي كمان اكيد فاهمة الحقيقة لكن بتستعبط يبقي مفيش حاجة حصلت تستدعي التفكير ده
رباب _ بص يا علاء انا هتكلم معاك بصراحة انا ممكن احاول اصدقك علشان بحبك ومش عاوزة صورتك تتهز قدامي
علاء مسكت ايديها وقالها _ ربنا يخليكي ليا يا قلبي
رباب _ لكن مش هكدب عليك مش هكون واثقة فيك بنفس الدرجة زي الاول علشان كده مستحيل نعيش كلنا في بيت واحد زي دلوقتي
علاء _ والحل ايه
رباب _ اما اني هخلي بنتي تعيش وحدها وده مستحيل او نطلق
علاء _ وهان عليكي تقوليها
رباب _ مفيش حل تاني ولا انت شايف ايه
علاء سكت وقعد يفكر بعمق وبعدين قالها _ عندي حل هو صحيح هيضايقني ومش هكون مرتاح لكن فعلا مفيش حل غيره
رباب _ ايه هو
علاء _ ناخد شقة تانية تعيشي فيها انتي وايناس وممكن كمان ايمان ترجع تعيش معاكم مادام هي مش عايزة تعيش معايا وانا اعيش هنا لوحدي وكل يوم ترجعي من شغلك علي هنا نتغدا مع بعض ونقعد مع بعض شوية وتروحي لبناتك تكملي معاهم اليوم
رباب _ ده حل كويس رغم انه تعب عليا لكن الشقة لازم تكون قريبة من هنا
علاء _ تمام وانا هبدأ ادور علي شقة من النهارده وياريت تاخدي اجازة لحد ما تخلصي حملك علي خير وتولدي علشان مش تتعبي بين شغلك وهنا وهناك
رباب _ ماشي هحاول اخد اجازة وبعد كام شهر لما اولد هنعمل ايه
علاء _ احنا نحل مشكلتنا دلوقتي ولما تقومي بالسلامة وتولدي نبقي نفكر وقتها هنعمل ايه
رباب كان من داخلها نفسها تسأل ايناس عن اللي حكي عنه علاء لكن كانت مترددة ومش عارفة تفتح معها الموضوع وبعد ايام رجع من بره وقال لرباب انه استأجر شقة جديدة في نفس الشارع فاخدت رباب ايناس وراحوا شافوا الشقة وعجبتهم لكن ايناس كانت مندهشة فسألت امها عن السبب
ايناس _ انا مش عارفة احنا ليه هنسيب الشقة هناك وهنيجي نعيش هنا
رباب _ انتي عايزة نعيش هناك
ايناس _ لأ مفيش فرق بين هنا وهناك لكن انا مستغربة
رباب _ لأ كده احسن علشان اختك ايمان ترجع تعيش معانا
ايناس _ وانتي هتطلقي من اونكل علاء
رباب _ لأ مش هتطلق منه انا اخدت اجازة من الشغل لحد بعد الولادة وهقسم وقتي بين هنا وهناك
ايناس _ كلمتي ايمان ترجع تعيش معانا ولا لسه
رباب _ هكلمها حالا كنت مستنية علاء يلاقي شقة قريبة
رباب اتصلت بايمان لكن تليفونها كان مشغول وبعد حوالي ساعة ايمان اتصلت برباب
ايمان _ سوري يا ماما كنت بكلم زياد ولسه قافلة معاه
رباب _ ولما شوفتيني اتصلت عليكي كتير مش رديتي عليا ليه وبعدين تكملي كلام معاه
ايمان _ سوري يا ماما
رباب _ طيب انا وايناس اختك اخدنا
متابعة القراءة
