قيامة ذكرى لعادل عبد الله

اذنك متعمليش كده تاني 
ايناس  _ مالك يا ايمان بتكلميني كده ليه
ايمان  _ علشان بصراحه انا تعبت منك يا ايناس كل مشاكل حياتي بسببك ودلوقتي عايزة تضايقي خطيبي 
ايناس _  انا يا ايمان 
ايمان  _ ايوه انتي ولا مش حاسة باللي عملتيه ولسه بتعمليه تقدري تقوليلي هنعرف بعض ازاي لو مش بنقعد ونتكلم مع بعض ولا عايزاني اتجوزه وانا معرفش حاجة عنه 
ايناس _  طيب خلاص خلاص يا ايمان انا اسفة ليكي واوعدك هبعد خالص عن حياتك 
ايمان  _ يبقي احسن لأني بصراحة تعبت ومش هتحمل منك اي حاجة تتعبني في حياتي تاني.
ايناس _ حاضر يا ايمان .
خرجت ايناس من الغرفة وهي تكاد ټنفجر من الغيظ بسبب كلام ايمان لها ودخلت غرفتها واغلقت خلفها الباب وبعد مرور بعض الوقت اتصلت ايمان بخطيبها 
ايمان  _ طمني يا زياد روحت ولا لسه
زياد  _ لسه داخل البيت حالا 
ايمان  _ حمدلله علي السلامة 
زياد _  الله يسلمك يا حبيبتي 
ايمان  _ كنت عايزة اعتذرلك عن لللي ايناس عملته 
زياد  _ لا ابدا مفيش داعي للأسف 
ايمان  _ معلش هي اختي صحيح لكن باردة وغلسة ورخمة 
زياد  _ بالعكس دي ظريفة اوي وډمها خفيف 
ايمان باستنكار  _  والله
زياد _  ايوه ډمها خفيف زيك بالظبط 
ضحكت ايمان _  انت بتقول كده عايز تلحق نفسك قبل ما ازعل 
وفجأة يرن هاتفها وعندما تنظر ايمان لشاشة هاتفها تجد اسم سيف علي الشاشة مزيج من مشاعر التوتر والحيرة والارتباك والتردد تنتابها فتقول لخطيبها  _ معلش يا زياد هقفل معاك دلوقتي وهكلمك تاني 
ايمان  _ الو مين معايا
سيف  _ معقول اهون عليكي تمسحتي اسمي من تليفونك
ايمان _  انت مين
سيف _  انا سيف 
ايمان _  اه نعم يا استاذ سيف
سيف  _ بقولك اهون عليكي تمسحي اسمي من تليفونك 
ايمان  _ اذا كنت انا هونت عليك ومسحت اسمي من حياتك 
سيف  _ مين اللي قالك كده انتي لسه في قلبي 
ايمان _  لا لا بعد اذنك مش عايزة اسمع منك الكلام ده دلوقتي انا مخطوبة لانسان محترم ومينفعش اسمع الكلام ده من حد تاني غيره 
سيف  _ انا عرفت انك اتخطبتي لكن اللي لسه معرفوش اذا كنتي قدرتي فعلا تنسيني وتحبي غيري ولا انا لسه في قلبك وبتحاولي تتظاهري بالنسيان
ايمان  _ دي حاجة تخصني انا لوحدي ومش تخص حد تاني 
سيف _  حاسس من كلامك انك لسه ..
ايمان _  بعد اذنك كفاية كده 
سيف  _ انتي للأسف ضحېة اختك ومامتك انا عرفت انك مش ليكي اي ذنب 
ايمان  _ وده هيفيد بأيه
سيف  _ ايمان انا لسه بحبك ومش قادر اكمل حياتي من غيرك 
ايمان _ لا يا بشمهندس سيف ده شعورك بالذنب هو اللي خلاك تتكلم كان فين حبك ده لما فسخت خطوبتي وكسرت قلبي كان فين حبك ده لما اعصابي اڼهارت واتمنيت اني اموت بدل العڈاب اللي كنت حاسة به كان فين حبك ده وانا بواجهه ظلم كل اللي حواليا ليا واولهم انت انا هقولك علي حاجة يا سيف علشان ترتاح من ناحيتي انا فعلا كنت حبيتك من كل قلبي وكنت عندي انت الدنيا كلها وكنت اقدر افكر ابعد عن الدنيا كلها الا انت لكن للأسف فرصتك ضاعت بعد اللي عملته  hard luck يا كابتن فرصة سعيدة مع بنت جديدة 
سيف  _ طيب اديني فرصة ادافع فيها عن نفسي 
ايمان  _ هتدافع تقول ايه خلاص يا بشمهندس الفرصة ضاعت والوقت انتهي 
سيف  _ انا الوحيد اللي مش صدقت اي حاجة عنك حتي بعد ما شوفت الفيديو بعينيا مصدقتش عينيا وكنت متأكد ان اللي في الفيديو مستحيل تكوني انتي ووقفت قدام امي وابويا وحاولت اقنعهم لكن موقفي كان صعب بسبب الفيديوهات اللي قدام عينيا وانا مش عرفت بفسخ الخطوبة اللي بعد ما امي كلمت مامتك وفسخت الخطوبة وكنت عايز احاول اني اعمل اي حاجة علشان نرجع لبعض تاني لكن في نفس الوقت ده ماما اكتشفت ان بابا اتجوز مامتك كنت ممكن اعمل اي في الوقت ده 
ايمان  _ وايه اللي اتغير دلوقتي مفيش اي حاجة اتغيرت راجع تكلمني ليه دلوقتي 
سيف _  لما عرفت انك اتخطبتي اټجننت وفكرت اني مش ممكن اضيعك من ايدي حتي لو هتجوزك من ورا امي 
ايمان _  للأسف خلاص اللي بتفكر فيه ده مستحيل لأني ارتبطت بانسان محترم وملوش ذنب في كل اللي حصل ده معلش يا سيف النصيب اننا مش نكون لبعض 
سيف _  انا مستحيل ابعد عنك 
ايمان  _ حتي لو انا اللي طلبت منك تبعد عني 
سيف  _ انا بحبك يا ايمان 
ايمان  _ معلش يا سيف مفيش نصيب انا بتكلم كلام نهائي بعد اذنك يا سيف ابعد عني وسبني اعيش حياتي اللي اقتنعت بيها خلاص.
سيف _  ده اخر كلام عندك 
ايمان  _ ايوه
سيف  _ انا هبعد يا ايمان وخلي بالي مش هقدر اضايقك او اجبرك علي حاجة لكن هيفضل عندي الامل اننا نرجع وعمري ما هحب ولا هفكر في حب او ارتباط الا لو اتجوزتي فعلا 
ايمان  _ مع السلامة يا سيف