قيامة ذكرى لعادل عبد الله
المحتويات
وان الفديوهات لا تخص ايا من الاختين وبعد بكاء الام قرر مجلس التأديب ايقاف الاختين عام واحد عن الدراسة خرجت ايمان وهي تبكي فليس لها اي يد فيما يحدث لها سواء فسخ خطوبتها او سمعتها التي تشوهت بين الجيران وايضا زملاء الجامعة وايضا بعدها عن امها او تعطيلها عن دراستها وضياع عام من عمرها كل تلك المصائب التي توالت عليها المسئول عنها اختها وتشاركها امها رباب
رباب _ مش للدرجادي يا علاء
علاء _ لأ طبعا للدرجادي واكتر كمان الطفل اللي في بطنك ده انا حلمت به من زمان اوي رغم ان ربنا رزقني باولاد من دعاء لكن كان طول عمري حلمي اني اخلف من حبيبة عمري انتي
علاء _ ولازم تأخدي اجازة من الشغل
رباب _ مش هينفع
علاء _ طيب علي الاقل ال٣ شهور الاولي
رباب _ متخافش يا علاء انا دلوقتي في اخر الشهر التاني يعني كل الموضوع شهر والحمل يثبت
علاء _ طيب المهم تخلي بالك اوي علي نفسك وكل يوم انا هوصلك وارجعك من شغلك لحد ما ربنا يقومك بالسلامة
علاء _ قوليلي بقي انتي لسه مش عارفة الفيزا بتاعت ايناس فيها فلوس اد ايه
رباب _ الصراحة مش اهتميت اعرف لأني بكل الاحوال الفلوس دي هخرجها تبرعات لأي محتاج ومش هناخد منها حاجة
علاء _ عندك حق طيب شوفي الفلوس كام وانا هساعدك في واعرفكم الاماكن اللي هنتبرع بها لهم .
العم ابراهيم عم ايمان قعد مع زوجته واتكلموا عن ايمان
ابراهيم _ البنت ايمان دي جات في وقت مش مناسب ابدا
زوجته _ فعلا يا ابراهيم البنات في السن ده مسئوليتهم كبيرة وانت كفاية المسئوليات اللي علي اكتافكم
الزوجة _ اكيد طبعا ما انا عارفة ودي مش محتاجة كلام
ابراهيم _ ادعيلي بس ان ربنا يقويني علي اللي جاي
الزوجة _ ربنا يقويك يا ابراهيم ويعينك بقولك انا كان عندي فكرة كنت عايزة اعرضها عليك
ابراهيم _ قولي ما انتي مراتي وشريكتي في الحياة قولي فكرتك
الزوجة ايه رأيك نجوز ايمان لأخويا زياد
ابراهيم طيب قبل ما تكملي كلامك انتي عارفة بموضوع الفيديوهات بتاعت ايناس اختها علشان مش ترجعوا تقولوا خبينا عليكم حاجة!
الزوجة _ ايوه عارفة يا ابراهيم ما انا كنت سامعة الكلام كله والصراحة ايمان ملهاش ذنب وبنت متتعيبش البنت جمال وادب واخلاق وتعليم وعروسة اي حد يتمناها .
ابراهيم _ من ناحيتي انا معنديش مانع زياد اخوكي شاب كويس وابن حلال وانا اللي مربيه واطمن علي بنت اخويا معاه لكن اللي اهم من رأئي انا وانتي رأيهم هما نفسهم
الزوجة _ طيب انا هعزم زياد علي الغدا يوم الجمعة الجاي ولو استريحوا لبعض يبقي خير
وبعد ايام كان زياد بيتغدا عندهم وبالفعل زياد اعجب بايمان وكلم اخته انه عايز يتقدم لخطبتها
العم ابراهيم _ عامله ايه يا ايمان
ايمان _ الحمد لله بخير
ابراهيم _ كنت عابز اخد رأيك في موضوع
ايمان _ اتفضل يا عمي
ابراهيم _ انتي شوفتي زياد اخو مراتي
ايمان _ ايوه
ابراهيم _ طلب ايدك وعايز يخطبك
ايمان _ مش وقته يا عمي انا مش عايزة افكر في الارتباط تاني دلوقتي الا لما اموري كلها تهدا
ابراهيم _ ليه يا بنتي ده شاب ابن حلال وانا اللي مربيه ولا انتي مش مرتاحه له شخصيا
ايمان _ لا يا عمي مش كده خالص هو فعلا واضح عليه انه كويس لكن انا بتكلم عن الفكرة نفسها في الوقت ده والظروف اللي انا فيها
ابراهيم _ الظروف دي انتي ملكيش ذنب فيها ولازم تخرجي منها ومادام مفيش اعتراض علي شخصه يبقي نتوكل علي الله وصدقيني يابنتي انا شايف انه مناسب ليكي جدا وكمان الوقت مناسب علي ما تخلصي دراستك وبعدها تتجوزوا
ايمان _ طيب يا عمي اللي تشوفه
ابراهيم _ يعني اقوله انك موافقه ونقرا الفاتحة
ايمان _ ماشي يا عمي اللي تشوفه
ابراهيم _ انا هكلمه وان شاء الله يوم الجمعة الجاية نتفق ونقرا الفاتحة
ايمان _ بعد اذنك يا عمي لازم ماما واختي يعرفوا ويحضروا
ابراهيم _ بالنسبة لوالدتك اكيد لازم تحضر لكن اختك دي
متابعة القراءة
