شوق اسماء عبد الهادي
المحتويات
قد المقام خلونا نتكلم عند المصطبة اهنه
ليرد مهند
_كلام ايه وبتاع ايه اتفضلي على العربية خلينا نرجع
_الصبر بس يا مهند تعالي بس اكده اقعد
_شوق مهما عملتي احنا مش راجعين من غيرك
_طب اقعد تعالى اهنه
جلست على الكرسي الخشب أمام الباب وأشارت لإخوتها بالجلوس معها أرادت أن تريهم الحال التي هي عليها لا ليشفقوا على حالها ويتأثروا بها ويأخذوها معهم فهي رأت ذلك جليا في أعينهم ما إن علموا بالأمر إنما أرادا أن ترقق قلوبهم أن تريهم ذلك النعيم الذي هم يعيشون مرفهين فيه دون شكر لتلك النعم
ليتحدث أمير بضجر
_شوق احنا لسه هنقعد نرجع الفيلا وهناك هنتكلم براحتنا
_معايزش تقعد مع أختك في بيتها يا أمير الأمرا كنك هتستعر من أختك وبيتها انت راخر
ليهتف عساف بجدية
_شوق اتكلمي ليه بابا بيتعامل معاكي بالشكل ده وليه أخفاكي عن الكل
وجدت البؤس في أعينهم فنهضت باسمه وهي تقول
_هقوم أنادي أم السعد تبعتلنا كوباية شاي معتبرة وهبقى أحاسبها بعدين لما ربنا يفرجها عليا
ليهتف عساف
_شوق اقعدي احنا مش جايين نشرب شاي.
_واه يعني مرحبش بضيوفي
_اتفضلي شوفي عايزة تأخدي معاكي ايه من جوا علشان نمشي
_قلتلك أني هفضل في بيتي معززة مكرمة يا عساف مش هستنى أبوك يطردني تاني مش هقبلها تاني.
ليتحدث مهند بانفعال
_بابا مش هيقدر يكلمك وانتي معانا مټخافيش واطمني احنا هنحط حد للي بيحصل ده
هنا اغرورقت أعين شوق بلآلىء غالية وقالت
_تعرفوا مجيتكم داي عندي بالدنيا كلها والله أني مكنتش متوقعة انكم تتقبلوا وجودي بالسهولة دي لا وتيجوا هنا البلد علشاني صدقوني وربي أني مبسوطة بيكم أوي
_يمكن لو كنا عرفنا قبل ما نشوفك ونعرفك مكناش اهتمينا لينا أخت عادي وايه يعني ايه اللي هيفرق ما احنا طول عمرنا منعرفهاش لكن وجودك معانا حقيقي فرق جدا
لتتنهد شوق براحة وهي تقول
_صحيح رب ضارة نافعة وكل شىء بيحصل وبيدور حوالينا لحكمة يعلمها الله ومش شرط نعرف ايه هي الحكمة داي في وقتها ..الحمد لله دائما وأبدا
_اتكلمنا كتير وضيعنا وقت أكتر يلا اتفضلي
_طول عمرك متسرع اكده وهمجي يا واد يا مهاند .. اقعد شوية ولا مش عايز تقعد مع أختك
_هنقعد هناك يا ماما مش هنا اخلصي
_لاه أني عايزاكم تقضوا اليوم امعاي اهنه في بلدكم الأصلية في البلد اللي أبوكم ينتمي ليها اللي فيها أهله وناسوا اللي اتربى وسطيهم بس الفلوس نستهمله
_انتي عايزانا نفضل هنا ف البلد لبقية اليوم
_ليه لأ يا أمير الأمرا وأهي منها فسحة وتغيير روتين قلتم إيه
_هنوافق على شرط أخر اليوم هترجعي معانا كدا ولا إيه يا عساف
_اوك مفيش عندي مشكلة.
ظل اخوة شوق معها في البلدة أخذتهم لكل الأماكن في البلدة وعرفتهم على كل شبر فيها كان يوما يستحق التجربة بالنسبة لهم بالفعل
وعندما قاربت الشمس على الغروب هتفت شوق بجدية
_يلا يا حبايب قلب اختكم.. ياااه من زمان والله وأني نفسي أقول الكلمة داي يلا علشان تلحقوا تعاودوا قبل الليل ما يغيم وتسوقوا في العتمة
هنا هتف مهند بضجر
_انتي فهمتي احنا قلنا ايه مش هنرجع من غيرك
_هكدب عليك لو قلتلك إني مش عايزة أعاود معاكم لكن أني حاسة إني حاليا مش شوق اللي كانت عنديكم في الفيلا من كم يوم هستعيد نفسي من تاني ووقتها هعاود ليكم.
_وبعدين بقا يا شوق ما هو انتي لو مجتيش بالذوق هتيجي بالعافية
_واه يا ولاد هعيش حياتي كلياتها مجبرة ومڠصوبة عل أمري.
هنا أشار عساف لمهند
_خلاص يا مهند سيبها براحتها يومين وهنرجع ناخدها تاني لما تفوق
ليهتف أمير بحنق ._لا مش هرجع من غير أختي
ليهتف عساف بجدية
_أمير
لتقول شوق مودعة أخيها
_أسمع الكلام يا أمير وعاود مع إخواتك الله يسلكلكم طريقكم
اضطر أمير لأن يعود إلى السيارة ليرحل من دون أخته تحت إصرار من إخوته
عاد حزينا مهموما وهو يشاهد السيارة تبتعد عن بيت شوق التي تقف أمامه ملوحة لهم بقلب فرح بلقاءهم
وعندما ابتعدت السيارة قليلا هتف أمير بحنق فلقد فاض به الكيل
_أنا مش ماشياستنى نزلني هنا انا هفضل مع شوق لحد ما توافق ترجع معايا
لينخرط مهند وعساف في الضحك
ليقول عساف
_وانت فكرك هنسيبها قاعدة كدا في الخړابة دي بعد النهاردة هنسيب شوق غريب بنت واحد من أكبر رجال الأعمال في اللي هي فيه لا طبعا
طالعهم أمير باندهاش وتعجب
ليقول مهند
_شوق راسها ناشفة ومكانتش هتوافق بالزوق فهناخدها ڠصب
_انا مش فاهم حاجة
_اصبر واترزع ف العربية شوية لحد ما الناس تنام وهتعرف الناس هنا بتنام بدري أصلا.
أوت شوق إلى فراشها وهي تشعر بالراحة أخيرا تحقق حلمها التي كانت تتمناه أخيرا اعترف بها اخوتها وشعروا بمعاناتها لن تحملها وحدها فوق كاحلها بعد الآن الآن باتت تستطيع النوم قريرة العين حتى ولو لم تعد معهم
وبعد برهة
أحست بحركة غريبة بالجوار فحاولت تحري الأمر
وعندما ابصرت ظلا يتحرك كادت لتفتح فمها لتقول
_الحقووو....
كان ذاك الرجل يكمم فمها وينثر مخدرا ما لتغفو شوق في الحال.
ليحملها ويضعها في السيارة بمساعدة الآخر وسط زهول وتعجب ثالثهم وعندما رآها تغفو جواره قال
_يخربيتكم ايه التفكير الإجرامي ده
ضحك مهند وقال
_مش متخيل صډمتها لما تفتح عنيها تلاقي نفسها في الفيلا .. اطلع يلا يا عساف قبل ما مفعول المخدر ينتهي.
انطلق عساف بالفعل فتنهد أمير براحة لأن أخته بجواره فضمھا إليه بحنان وهو يشعر بأنها مسؤلة منه
وصلوا إلى الفيلا أخيرا وحملها عساف ليضعها على فراشها في غرفتها
أما مهند فأمسك بريشة وحاول افاقتها لكنها لم تفعل
فخاف أمير
_مش بتفوق ليه نوع المخدر اللي اشتريته ده ايه
_اصبر يا بني هتفوق
بعد عدة محاولات فاقت شوق لتفتح أعينها لتجد نفسها في غير مكانها ولم تستوعب أنها بداخل غرفتها في فيلا اخوتها
فقتحت فمها لتصيح
_يالهوتااااي الحقوني يا ناس أني اتخطفت الحقوني يا خلق هو هتعملوا بيا ايه ياخراااباي
كتم كل من أمير وعساف ضحكاتهم فبالرغم من أنهم يجلسون معها إلا أنها من خۏفها لا ترونهم
ليهتف مهند بصوت جعله مخيفا
_احنا هنأخد أعضاءك وناكلها نية نيهاهاهاها
_كمااان يا لهوتااي
وفجأة توقفت عن الصړاخ ونظرت حولها وهي تضيق أعينها
_لحظة اكده المكان ديه مش غريب عليا والوجوه داي شفتها قبل اكده
يالهوي أني باين عليا خرفت وعقلي فوتك وبتخيل حاجات غريبة قدامي ايه اللي جاب اخواتي اهنه معايا
لم يستطع اخوة شوق كبت ضحكاتهم أكثر فانفجروا في الضحك
مهند
_لا مش ممكن انتي مسخرة السنين يخربيتك هو فيه كدا
أمير
_وربنا انتي نكتة يا شوق
أما عساف
_انتي حكاية لوحدك هو فيه كدا
طالعتهم شوق باستغراب
_انتوا بحق وحقيقي يا ولاد ولا دي تهيوئات أني اخر حاجة فاكراها الحرامي اللي كمم بوءي
ظل الاخوة يضحكون فشوق لم تستوعب بعد
ليتجهم وجه شوق بعدما تدرك أنها لا تتخيل وانها في فيلا اخوتها بحق وتقول بعدها تجلس بهدوء ع الفراش
_اااه يا ولاد غريب بقا داي عاملة تعملوها فيا وربنا أني قلبي كان هيقف من الخۏف أني فكرت اتخطفت فعلا
ليقول مهند بضجر
_ياشيخة هو انتي حد يبصلك بمنظرك ده اصحي يا بنتي اصحي
أمسكت شوق بالوسادة وضړبته بها
_وربنا أني متأكدة انها فكرتك أصل مفيش حد مفتري ويعملها غيرك استنى عليا بس
_استنى يا بنتي دي فكرة عساف على فكرة
نهضت شوق من مكانها وأمسكت بالفازة الموضوعة على الكومود
_بقا اكده يا عساف تخلع قلبي من الخۏف وتجيبني بالطريقة داي طب استلقى وعدك مني يا ابن غريب
نهض عساف من مكانه مبتعدا عندما رآها لا تمزح وتنوي القاءه بالفازة
_يخربيتك ده انتي مش بتهزري ابعدي البتاعة دي من ايدك
ركضت خلفه
_لاه لا يمكن
ليضحك مهند وأمير فتغتاظ لضحكهم فتوجه الفازة نحوهم
_تعالولي انتوا كماني وربنا ما سايباكم
ليتقدم مهند نحوها ويحملها لأعلى وسط صرخاتها الفزعة
_يخرب بيت شيطانك انت شايلني ليه نزلني يا مچنون
_ايه فرحان بأختي انتي مالك اوعي تقولي متحرش بقا بعد كدا
ضړبته على رأسه
_نزلني يا واد بقولك يادي العيبة ايوة متحرمش وقليل الرباية كمان وعايز الضړب بالبلغة عنديك مانع
انزلها منهد إلى الارض ثانية وقبل رأسها وقال
_لا أبدا ربيني زي ما انتي عايزة طالما هشوف الحب بين عنيكي علطول
حكت شوق أعينها بعدم تصديق وهي تطالع اخوتها أمامها يبتسمون لها
_وه كأني في حلم وربنا ماهو حقيقي حلم جميل اتمنى مقومش منيه واصل
اقترب منها عساف وأمير
ليهتف عساف بجدية
_مش حلم ده حقيقي يا شوق احنا مبسوطين ان اختنا معانا
هتفت شوق بجدية هي الأخرى
_تعرف يا عساف انك أكتر حد كنت مقلقة من رد فعله بس الحمد لله ربنا هون كل عسير
_عارف لاني كنت قليل الزوق معاكي
_قليل الزوق داي كلمة قليلة كنت دبش يا ولا الكلمة اللي انت حافظها اطلعي برا الفيلا ارجع مشوفش وشك هنا تاني
ضحك عساف وقال
_خلاص بقا خلي قلبك أبيض
لتبتسم له شوق
_مبسوطة انكم اتقبلتوني وسطيكم
قال أمير وهو يمسك يدها
_يا بنتي انتي جيتي لينا نجدة من السما انا هطير من السعادة علشان انتي اختي مين كان يصدق اني ممكن يكون عندي أخت بالعظمة دي
_لاه ديه كتير عليا هتغر يا ولا... تعالى في حضڼ اختك وربنا انت أمير الأمر فعلا
ليقترب مهند من اخته ويمسك أخيه من ملابسه ويبعده عن شوق
_ابعد يالا دي أختي انا
_لا مش هبعد انت مالك
فتجد الأخوان يتشاجران
_باس اسكتوا أني شكلي هرجع البلد تاني هو اني ناقصة خوتة
ليهتف أمير بانزعاج
_عاجبك جبتلنا الكلام
فتضحك شوق
_ربنا يخليكم ليا يارب
أما عساف فلقد بدأ يتثآب بنوم وتعب
_طب تصبحوا ع خير مبقش شايف قدامي وخالد سايب الشركة أمانة في ايدي ولازم أقوم بدري شوق من فضلك صحيني بدري اوك
_ماشي يا حبيبتي اطلع نام وارتاح وانت من أهل الخير
لتنظر شوق لكل من مهند وأمير
_وانتوا يلا اطلعوا ناموا وارتاحوا والصباح رباح
توجه أمير لخارج الغرفة
_اه انا عايز أنام فعلا السفر رايح جاي هلكني ... تصبحي على خير
_نوم الهنا يا حبيبي
نظرت شوق لمهند الذي جلس على الفراش جوارها بأريحية
_وانت يا أخينا اطلع نام يلا اوعى تقول خارج بالبلغة وعلى نافوخك
_لا هنام مش خارج النهاردة
_طب يلا اطلع يا حبيبي
_لا هنام معاكي هنا
_هنا فين يا أخينا انت
_هنا معاكي على السرير
_يا سلام اطلع يالا على اوضتك بلاش هزار ماسخ اخلص
_ايه يا بنتي ايه المشكلة
_مينفعش يا غبي
_ليه مش خلاص انتي اختي ايه المشكلة
_علشان رسولنا الكريم قال فرقوا بينهم في المضاجع مينفعش البنت تمام جنب الولد حتى لو اخوات افهم يلا ع اوضتك
_وبعدين بقا
_اطلع اطلع احنا هنعيل اهنه
_ماشي يا شوق هطلع وامري لله انا اللي جبته لنفسي ما كنت قاعد مرتاح لا حد يقولي ينفع ولا مينفعش
_بتقول حاجة يا مهاند
_بطلي مهاند دي کرهت الاسم يخربيتك
_طب بالعند فيك مهاند
_طب بالعند
متابعة القراءة
